ياغالية

غاية مرامي فيه معنى انتظاري
لو تعشقين البحر فالبحر غدار
ولو تكرهين الصبر فيه اختياري
يا غالية لو ضايقك بعض الأفكار
هذي معاناتي وهذا احتياري
لو تطرب الكلمة على طقة الطار
للحزن في وجه القصيدة مواري
بقيت أنا والهم والقاف سمّار
يا كود شعري فيه رد اعتباري
اسقيت معنى الشعر من كاس الأمرار
حتى تساوت شرهيتي واعتذاري
حاولت أجامل بالفرح بعض الأنظار
لعل تطفي فرحة الزيف ناري
كلي شقا كلي أمل كلي أسرار
كلي غموض وصار هذا شعاري
كلي صبر كلي مشاوير وأسفار
في داخلي غربه وحيره وطاري
كلي وفاء كلي أحاسيس واشعار
مبداي ثابت ما تغير مساري
لو تاقف آمالي على كف الأخطار
والله لاموت ولا يبين انكساري
وما يبرد المعنى ولا تنطفي نار
حتى تبشر شمس عزِّي نهاري
الشاعر - عبيد بن محمد الأزمع