سلامة سيّدي

..وأشرق صباح السبت بالكون..فرحان! وطوَّح بغصن الدوح شدْو القماري! تفرح برجعة سيّدي ناس..وأوطان في غيبته هلّت حزين العباري واليوم عوّد بالسلامات سلطان وما للتعب والحزن بالقلب طاري أنا اشهد انّ الوقت من طلّتَك زان! ما دام بالحبّ انوَرنّ الغداري! سلطان راع الخير في كلّ الازمان والكلّ عن فعله وطيبتْه داري كلّ الوطن يضحك لك اليوم طربان دولة..وشعبٍ..دايماً بك يماري! بان السعد بوجيه شِيبٍ وشبّان وأطفال..مشتاقين لعب العصاري كلٍّ على شوفتْك بالخير..شفقان والقلب نهرٍ ب اعذب الحبّ جاري! وتخْضِر لشَوفك بالمسافات..وديان! وتزهر فياض..وْ(نايفات)..وْخباري! حتى القصايد بالطرب تعْزف اْلحان غنّى بها شفْقٍ على الدرب ساري! تزِين بك يا سيّد الشعب..قيفان فيها من اسمك والمحبّة مواري ولوحاتنا تفقد رماديّ الالوان! ولون الظلام..وْقاحلات الصحاري! ما يمسك الريشة من اليوم فنّان.. إلاّ البنفسج والزهَر..له طواري! ويفداك شعبك بالوفا..طير حوران يا اللي لصعبات المطاليع ضاري والحمد لله عوّد بْ خير..سلطان وغنّت على خضر الغصون..القماري!!