بصمة ناعمة

وش يقول اللي زمانه عَذّبه
إنجرحَتْ بطعنة السيف الصقيل
حُبّي اللي جايرْ الوقت إنهَبهْ
واختنقت بعبرتي يوم الرحيل
يوم سافَرْ والذوارف تندبَهْ
وإصدمتني صفعة الحلم الجميل
يوم أناظِرْ في بقايا مركبَه
آه ياللي بالبشر مالك عَديل
ذِقْت من صافي غديرك أعدَبَهْ
وآه ياللي خذْتني للمستحيل
صرِت أخاوي من زماني أصْعبه
صرِتْ وحدي لا ولا غيرك بديل
يا حبيبي والليالي مُتْعبة
كل عمري قَبْل أشوفك يا الخليل
عُمْر ضايع من حياتي بأحسبه
بأحملك في داخلي نبعٍ يسيل
لوسقاني كاس علقم بأشربه..
وإن ذبحته وارتمى فيني قتيل
باعترف للكونْ إني مذنبة
مات حًبّي ما بقى منَّهْ دليل
غير نَصْبٍ وسْط قلبي بأنصبه
- ريم الرفاع