الرسالة قصيدة للشاعر مسفر بن نومة

الرسالة
الشعر يجذبني ليا صار محكوم=محكوم وزن وقاف والبيت محكم
اسري معه واخاوي نجوم وانجوم=وان طالة الطرقه مع القاف ما اهتم
اصخره لَ صرت ضايق ومهموم=وعند اللزوم اورده راهي الجم
اراضي الجمهور وازعل خصوم=وان جيت في الميدان جاوبني بسم
وياللي تجيب علوم وتودي علوم=اخذ الرساله يا ابيض الوجه واسلم
رسالة والسر واضح ومفهوم=حلم من الواقع وفي واقعه حلم
اللي حصل للناس ماضي ومقسوم=ارزاق من رب البرايا تقسم
احد كسب له حر واحد كسب بوم=واحد على ما ضاع منه تندم
يبكي على ما ضاع يوم ورى يوم=لين ذرفت عينه بدل دمعها دم
عاش الحزن وان مات ماهو بمرحوم=بعد العسل ذاق وتجرع من السم
والحر لامنه كفخ يبعد الحوم=ينزل على ربد الحباري ويغنم
والناس تحكمها قوانين واسلوم=لولا الحيا وضحت للناشد العلم
خليتها ما بين حاكم ومحكوم=الحكم جاير والمواثيق تلزم
الشاعر مسفر بن نومة