يمّه

الشاعر ماجد الثميري وقصيدة مؤثرة في فراق والدته رحمها الله.
لا جيت قبر أمي ملا عيني دموع
همٍ سطا بالقلب يا كود شيله
رغم السنين الماضيه كنّها اسبوع
راحت في عيني كنّها حلوم ليله
يمّه طواني الهم والقلب مفجوع
وحالي عقب فرقاك صارت نحيله
والبيت عقبك أظلمٍ ما به شموع
ولولا غلا امي والله إني ما اجيله
ما عاد لي قلبٍ يطيع الصبر طوع
وما عاد لي نفسٍ تشيل الثقيله
أصبحت كنِّي منكسر فيني ضلوع
قصّت مفاصلها سيوفٍ صقيله
تكفون عزّوني بلا صوت مسموع
اللي توفّت نبض قلبي وعديله
الشاعر/ ماجد بن أحمد الثميري - المجمعة