وسم المحبة

اللي لِيا من ضاق له خاطري ضاق
قالوا زَعَل باسباب.. ودّك تجافيه
قلت الجفا ماهو بطبعي وانا اشتاق
قالوا: يقول! وقلتْ نرجع نراضيه
نطلب لقاه ولا يجي طاري افراق
الغالي.. اللي جعلني فدو عينيه
اللي يروق الجو لا من هَدَا وْرَاق
هو توق فكري كيفْ ماني بناسيه
هو ذوق عيني جامع الزّين واخلاق
هو شوق قلبي.. بالمَلاَ من يحاليه
هو عوق ضحكي جعل ما عنه ينعاق
وشْ لي بدونه كان قفّى وانا ارجيه
عمْر الجفا ما كان بالدرب ينطاق
وان كان يجهل شيْ ماني بمخفيه
قدّمت له عذري وشعري بالاوراق
والاَ الغلا مغليه.. مغليه.. مغليه
(وَسْم المحبّه) بيّنَه كثْر الاشواق
- الشاعر/ بندر الخنيفر