اللي تجي من بعض أقرابي فدا ما تهز في رأسي شعره ما دام لي عزمٍ قوي واللي خذا طيب الفعل مني وآخرها غدا ماني بمتحسف على شيءٍ عملته مع خوي فيني من العزه أثر وأشوم عن درب الردا ديني قبل طبعي وأنا طبعي أصيلٍ وبدوي عذري إلى مني مشيت بخلفي أحقاد وعدا في كل نفسٍ ما خفت وأن كنت كاويها كوي ما كل صوتٍ ينسمع ماكل صوتٍ له صدا بعض الحلوق أن صوتت مافادها كثر العوي ياصاحبي لا تقتفي جرّة مقاديمى قدا ماراح مني لك فدا والذكرى طاويها طوي وش لك بتنبيش الخفا وتجر صوتك بالندا لا العين مثل أول غطا لا القلب مثل أول حوي هد العزوم اللي تبي تسترجع أشتات الهدا ما راح به ريح الشتاء ماردته سموم الشوي والعبرة اللي في عمق نفسي ومخفيها بدا مانيب مظهرها لأجل ما تقول صوبت القوي عصفور صدري لابغى يطرب بألحاني شدا أبذكرك في هيجنة شعري وبرويها روي وكل الجراح اللي تجي من كل أصحابي فدا ما دامني حيٍ ولي قلبن وتفكيرٍ سوي
