عساك في جنّة الفردوس يا نايف

خبر وفاة الأمير النادر النايف
عكّر فؤادي وهز أرض السعودية
عساك في جنّة الفردوس يا نايف
رجل الأمن والأمان وصافي النية
يا درع للدار كان إن حافها حايف
يقدم على الضد ما للضد ماويّه
أنا اْشهد إنه ذرا المظلوم والخايف
مليان قلبه لهم عطفٍ وحنيّه
واللي نوانا بشره خاسر وعايف
ايرجّعه نايف المقدام عن غيّه
ومجانبين الصواب يصيبهم لايف
الزمره اللي عن اهل الحق منفيه
راح الشجيع الذي ماهو لهم رايف
حتى يخافون ضربات السنافيّه
الله قدّر ولا شيٍ عنْه طايف
علّام جهر العباد وكل مخفيه
سلطان قبله وجرح الفقد ماسايف
وهذا السنه زادت الكيّه على الكيّه
اجبر عزانا يارب لحالنا شايف
وتجبر عزى خادم البيتين في خيّه
واعداد من زار مكه راكع وطايف
صلوا على خاتم الرسل السماويه