أحسن الله عزانا فيك يا نايف

أحسن الله عزانا فيك يا نايف
وللملك والوطن نرفع تعازينا
يا مجيب الدعاء يالسامع الشايف
انزله منزل الغر الميامينا
أشهد انا فقدنا ممن الخايف
رجل الأمة والأمن مناصر الدينا
السياج المنيع الشامخ النايف
سيفنا اللي نبارز به معادينا
لا . شهرناه عوّد خصمنا عايف
عن قيمنا وهيبتنا وأراضينا
كل ما حاول المندس والحايف
قال من شرعنا نأخذ مبادينا
ما ترك له طريق وباب ٍ مسايف
فى المنافذ حرس والجو والمينا
وان تمادوا دعاة المنهج الزايف
واستباحوا حدود اللطف والّينا
لافهم من غضب سيف الوطن لايف
لين تسجد على الأرض الشياطينا
كل ما طاف بي مع سيرته طايف
اذكرانّا نشيله في محانينا
الشجاع الأمين العادل الرايف
لو رثيناه وش قيمة مراثينا
غاب عنا ولكن كلنا نايف
في يدين الملوك انحط أيادينا
زيد بن راجح البقمي