عواكيس

* الغالي ابو العواكيس والله طولت الغيبة كل عام وانت بخير ودي برأيك عن مستوى مدافع الهلال السنغالي مانغان مايذكرك بليتانا
صديقك-ابوعمر-الخرج
-لا يذكرني بنيستا مدافع ميلان فيه من بوهته... أقول عزالله انه مقلب والله يذكر هوساوي بالخير!
*صاحب المليون رسالة ابو العواكيس بعد التحية ليه وليد عبدالله سوى قصة "قزع" وسبب مشكلة واخيرا مالعب المباراة
الشبابي -عبودي
-على قولته هذا لوكي والتسريحة مطلوبة في باريس!
*قاهرهم وحابس دمهم عكوسي شكل "العالمي" ذا السنة غير اقول جاكم الاعصار ياهلاليين والوعد بكرا الله يعينكم على التسحيب أقترح الانسحاب ولا الفشيلة
سطام ابوسعود-عفيف
- خلاص نقولهم اقتراحك ويقلبونها مندي ومثلوثه في العريجاء!
* الحبيب ابو العوكيس وش اخبارك كيف العيد معك ودي أسالك وانت الخبير اللي عليه القيمة ليه التعاون غير طقمه قدام النصر وش الظلم يارابطة المحترفين
بندر العصاي-عنيزة
- من غير ليه انت في زمن أسد علي....!
*الناقد الساخر معوكس اشوف رائد التحدي حبة فوق وحبة تحت في الدوري وانت وش تشوف
صديقك-نواف الصيخان-حي الفلاح
-انا اشوف كليجا فوق وكليجا تحت!
*العزيز معوكس وش رايك في مسلسل واي فاي في رمضان ياهم ضبطوا تقليد المذيع والمدافع وكمل عليهم ابوعبيد بخفة دمة
صديقك المشتاق-حمد الدوسري-ابومبارك-العزيزية
-على طاري ابوعبيد وش اخبار خويك ابوعبيد وسوق الحمام شكل الضبان صارت بروستد من الحر!
* الشهير جدا معوكس أشوف الدوري تحول دوري يد السهلاوي يصلح باليد وتيسير مثل وش القصة وين الحكام
مساعد العتيبي- حي الصحافة
- الخبر اليقين في الاستراحة!
*عزيزي معوكس وش يذكرك مدرب الهلال انا اشوف لا تكتيك ولا تبديل
عبدالعزيز الصيخان-حي الفلاح
-ولا مطبق ولافول قلابة؟!
**الغالي معوكس وش قصة الاهلي ماغير تعادلات ومستوى مهزوز وش ينقصهم؟
الاهلاوي محمد ابو ريم-جدة
- توأمة وتضبط الأمور
**الحبيب ابوالعواكيس ياخي انا من عرفت النصر الاولمبي قبل خمسة اعوام ونجومه النصار والرشيدي ومصعب ويوسف خميس واليامي معقولة ماصعدوا للفريق الاول؟
عاشق العالمي-نواف المطيري
-يمكن المصعد عطلان!
* عزيزي معوكس اشوف بعض الفرق على الرغم من ضعف امكانياتها تنافس على الصداره تتوقع تستمر ولا الدعوى مثل مايقولون شوط...!
احمد السليمان-القصيم
- مثل مايحلمون!
*الناقد الساخر معوكس من طول الغيبات جاب الغنايم والهلال وش جاب؟
عاشق الزعيم-عبد الرحمن العمار-الرياض
-جاب مانغو!
*العزيز معوكس اقول ياصديقي الوحدة وحدتنا والفوز عادتنا وانت وش تقول يالخبير؟
الوحداوي ابومصطفى
- اقول والخمسة عادتكم!
*الملوسن معوكس ماهي قصة الكابتن سامي بعد كل تعادل اوخسارة يطلع يدافع عن الادارة ويبرر نبي نقد نبي حلول وبعدين هو في فرنسا مع اوكسير الله يوفقه بعيد ولا يدري وش الطبخة؟
احمد الزهراني-الرياض
-الطبخة كبسة وعنده المقادير!