عواكيس

** المغرد معوكس
تحية مشرقة:
تصدق اني توقعت فوز الاهلي بخماسية نظيفة حيث ان النصر
متذبذب المستوى ولايملك خبرة النهائيات والمباراة ستنتهي بشوط واحد ولاحاجه للثاني
عبدالله العبيوي-الكويت
عاشق حي المصيف
_ولا الثالث ولا الرابع!
**الكبير معوكس ..بعدالتحية والتقدير
هل صحيح أن الفنان الجماهيري خالد عبدالرحمن سيقيم حفله
غنائية بمناسبة حصول الهلال على لقب النادي الاول آسيويا للعقد الماضي
عبدالله المطيري-ابونايف
-وشلون درى ابوخلود والادارة لاحس ولاخبر ليتهم شافوا استقبال بدر المطوع لكن الله يقطع التويتر!
**الحبيب معوكس
تحية وبعد:
من هو افضل لاعب في الدوري من وجهة نظرك وماهي اسباب تراجع المنتخب السعودي بعد أن كان بعبعا مخيفا في آسيا
عاشق حي المصيف
_اسباب التراجع نسوا الباص على الريوس!
**صاحب المليون رساله معوكس
ياخي انا زعلني السهلاوي في النهائي بطيء وضيع كل الهجمات وش يذكرك يابو العواكيس
بندر العصاي-عنيزه
-والله كنه مراقب بلديه في سوق عتيقة!
**قاهرهم وحابس دمهم ابو العواكيس
تحية وبعد:
أشوف حتى العواجيز الخراطين قاموا يوزعون الالقاب والله ياواحد خراط شكله منضغط من لقب الزعيم الملكي
عبدالملك المرشد-عرقة
_شوية منضغط الا مضغوط ومشوي ودجاج على الفحم!
**الاستاذ معوكس بعد المحبه وعطني المحبه وش رايك ان بعض ادارات الاندية كنها نخلة عوجاء بطاطها بغير حوضها ماغير خذ يامدح للي يضبط اموره معها ويهاجم فريقها
نواف الصيخان-حي الفلاح
_ سكرية ولابرحية ؟!
**السيد المحترم ابوالعواكيس ودي اقول لك أن صديقي ابوسعيد ومديره في العمل راحوا للبر يصيدون ضبان يقولون جابو خمه يحبها قلبك ظنك ابوسعيد له نصيب ولا ياخذها المدير
حمدالدوسري-ابومبارك
-على مسؤوليتي ولايفرح بعكره حده يغرق !
**الاستاذ معوكس
ياموهوب ماتشوف ان الشباب رهيب كماتشو وسياف وتيجالي من تتوقع في الطريق
الشبابي-عبودي ابوسليمان
-الزياني ومفتاح غريب!
**عزيزي معوكس
تحيه خالصة بالورد والكادي
ماتلاحظ ان سعود حمود كن جاه غرور ماغير يسحب رجليه في النهائي
عاشق العالمي-ابونواف
-يسحب وسحبة ماتورنا للدكة!
**المحترم معوكس ما الفرق بين حارسي الهلال ابوعلي العتيبي وخالد شراحيلي
عزوز الصيخان -حي الفلاح
- واحد يحب السياحة الداخلية والثاني الخارجية!
** الاستاذ معوكس
بعد التحية:
كيف تعلق على عودة فريق الفرسان للاضواء وهل كان للمعلق المتميز علي داوود دور في الانجاز
الوحداوي ابومصطفى-العزيزية
-اكيد له دور ودبلكس !
**المتألق معوكس
ودي تجاوبني بصراحة انت مع ولا ضد التجديد مع عبد الغني
العالمي ابوسعود-قرطبة الشرقية
-وانا وش دخلني أسأل كامل والسعيد!
**الاخ معوكس
تحيه وبعد شكل احمد عباس يلمح ان عزيز يلعب بالواسطة برايك مين المتضرر عباس ولاغالب
النصراوي-عبدالاله المنصور
-ماحد جت رباعية سليمة!
**اشهر رياضي معوكس
عندي أحساس ان فيه مشكلة بين الكابتن سامي الجابر والادارة والله احترنا ماغير ندربي روسنا في ذاالتويتر نبي الصدق يارجل الصراحة والنقد الجميل الساخر
الهلالي عبدالعزيز السليمان
-الصدق تشوفه الا غردت الفرق في آسيا وانت غردت للعريجا !