رافقتني بإحساس مثلك مثل ظل

ياتل قلبي من بعد شوفتك تل
ويا ون قلبي بعدكم ياونينه
رافقتني باحساس مثلك مثل ضل
واليا فقدتك قلت هالزين وينه
ماهو غريب ان كان معك المطر هل
واذا على شانك تعيش السفينه
اجيوش عينك كم تفتك وتحتل
أي والله ان الموت شخصك بعينه
انسان شافك يصبح بصدق مختل
يضيع مايدرك زمانه او ينه
جل الذي صورك سبحانه وجل
لان القمر يشبهك ماتشبهينه
في كل مابك نادرة وانتِ بحل
شيخة بنات البدو واهل المدينه
اقول يمكن اوبعد يمكن وعل
القى ابيوت ِ تستحق وثمينه
مساك ورد وفل يازهرة الفل
عظيم شخص تستبيحك يدينه
اقول لاشفته على حظه اي اول
الحظ مابينك حواجز وبينه
امن الطبيعي انك اجمل من الكل
ياحظ من جابك على نصف دينه
والشاعر اللي قال ويقاله قل
ماهو بموفيلك ولونصف دينه
احمد دلي الهزاع