الورد والصبار

كفايه كل مره تقتليني
سرقتي فرحتي واجمل طموحي
وهدمتي كل مابينك وبيني
امد الورد والصبّار مدك
اعالج جرح وانتي تجرحيني
خيانه ااه يامر الخيانه
احس الارض عيت تحتويني
واحس الليل جلباب المآسي
واحس الصبح ظلما تعتريني
فقدت الحب في دنيا المصالح
بعد ما جرّد الواقع حنيني
عطيت وليتني ماكنت مسرف
وفيت وليتني خنت بيقيني
خسارة عدها ياقلب عادي
انا بددت من جهلي سنيني
زرعت الحب في شاطي محيطه
ونطرت بشوق ينبت ياسميني
نسيت ان البحر بالاصل مالح
قتل زرع الوفا قدام عيني
نهاية والزمن قرب وتواصل
وانا بقتل شعوري في يديني
تعبنا نعشق الموت بسذاجة
والوّح للعدم في راحتيني
ابرمي ذكرياتك للذيابة
تعبت اعيش ميّت صدقيني
وصلنا للنهاية عن جدارة
ابرحل عنك وانتي ساعديني
تحملتك كثير وصدقيني
اذا ودك سلامي ودعيني
سعيّد العمودي