الشوق سلعه يالغلا ما لها سوق

الشوق ما هو قصة لْزوم و حْقوق
و للا : غيآبك طال !! و للا حنيني .. .
. الشوق عمر(ن) من خفا الوقت مسروق
دور بي الدنيا و بيح كنيني .. .
. الشوق يالمزيون يا سيد الذوق
شي(ن) أعرفه بس (بيني) و بيني .. .
. الشوق يسري لا سرا الدم بعروق
كنه معك مولود يومك جنيني .. .
. الشوق سلعه يالغلا ما لها سوق
تلقاه في قلب الوفي يا ضنيني .. .
. تكفى تعآل و ْ باقي العمر ملحوق
و اروي ظما هالقلب واسعد سنيني .. .
. قلب(ن) شكا من جاير الهم والعوق
رآعي به الله يالغلآ و ارحميني .. .
. وان كان صدك : لجل تدري ( وش ) الشوق ؟ !
ذاك (الفضول ) : الشوق يا نور عيني .. .
حمزة الهاشمي