البرد

ليلة غيابك صارت ايديّ للبرد
والبرد ما سلّم و لا هو عفاني
البرد لو سيّر على ضلوعك الصّرد
جفلت من صدّك و لوّذت حاني
كن الشتا يلعب معي لعبة النرد
يشيل و يحطّك ملك في زماني
من عام الأول هاجسي راح بي طرد
من عام الأول صادقته المواني
اذكر فمرّه قلت لي الورد للورد
لا الورد أهديته و لا جيت عاني
وأنا اسرّي لك وفا واحتري رد
يمكن يجي يشرب يباسك حناني
كتبت لي بيتين في حضرتك جرد
بيتٍ ستر شوقي و بيتٍ قراني
يغصّ في حلقي الحبر واشربه سرد
وتسيل من فمّ المعاني معاني
حتى الورق هيجن غيابك مع الشُّرد
ولوّح في درب الراحلة بالأماني
يا صاحبي الشوق ماله و للبرد
الشوق يدفى لا أحضنته المحاني
عرّي صدودك دفني هات لي الورد
الورد من يدّك يجي لون ثاني