سلمان يا راع الفعول المشاهير

يا سيدي سلمان يا منبع الخير
يا الشامخ اللي فيك تزهى القصايد
حبيت ابارك لك بزين التعابير
من صادق احساسي بجزل الفرايد
اختارك اللي له مع الناس تقدير
مليكنا العادل وسيع البنايد
يا نعم ما اختاره وبعد التفاكير
رايه سديد ولا يجيله ندايد
ولاك بالمنصب تقود الطوابير
وانا اشهد انك بالمهمات جايد
وزير ومحنك ولا فيك تقصير
يا درعنا الضافي بوقت الشدايد
بك حزم بك قوة تفوق التصاوير
وزودٍ على ذلك تضد الضدايد
رمز العطا والجود نسل المناعير
حلال صعبات الامور العقايد
سلمان يا راع الفعول المشاهير
ذرب اليمين وبالمواقيف كايد
لك سيرةٍ بالعدل مع حسن تدبير
وبالطيب والمعروف والعز رايد
نواف محمد الصخابرة