في عيدنا المبروك نهني.. نعايد

من مقبلاتك يالمزون المغاتير
انظم على حلوق القصايد قلايد
والشعر وهبه.. والعطايا مذاخير
كمال رب الكون مابه فقايد
لوحة إبداع الفكر من دون تأخير
فرايد بيوت ٍ توارد شرايد
تارد شوارد متعبات الشواعير
والفكر طير ٍ مايصيد الزهايد
ميزان الأرياء من رجوح الأشاوير
والفكر واعي والنوايا عقايد
للصوت تكسر حايرات المباكير
بنات بكر الفكر نبع الفرايد
تسمو سماء فوق البيوت النوادير
هيبة وقاركبار أساس الشهايد
ذروة سنام العذر هيبه وتقدير
من دون كبر القدر صغر القصايد
اللي تضيع أبها وصوف المشاهير
مراجع شيوخ الفخر والمجايد
الدولة اللي كلها رموز تعمير
هو والعطاء خلف النما بالتزايد
دار السعود أبلادنا شجرة الخير
دولة شريعة وأمن الأوطان سايد
وأخضر علمنا للفخر دوم تشهير
مانكس بوقت المصايب حدايد
والنخلة اللي بالسيوف البواتير
هيبة وقار الدار والعز رايد
أنا جسد للروح دار وتباشير
يضحك فرح وقلوب خلقه جوايد
حرف ٍ يجسد قصة الحب تصوير
يزهربها التعبير ونبض الوكايد
هنا نسوق التهنئة بالتعابير
في عيدنا المبروك نهني.. نعايد
والكيف يفرق فرق كيف المباهير
من قدر فوح دلال تقدير قايد
لعماس رووس ٍ فرقها فالمناحير
من فال فنجال المثاني قنايد
صقر العروبة والمنازل مواكير
عينه نظرها فوق رووس النوايد
وعلى ولي العهد ذخر المناعير
لابوفهد سلمان رجل الشدايد
ولشعبنا المغوار رووس الأساطير
أعاده الله ياوساع البنايد
حنا ولانا من قديم الاعاصير
ميثاق عهد جدودنا والبدايد
والختم جعل المقبلة للتياسير
تأتي على حسب الأمل والعوايد
سعد المسعودي