معوكس

} عزيزي معوكس.. تحية وبعد: أبغى رأيك في التحديثات اللي صارت على إدارة الكرة الهلالية برئاسة الكابتن سامي الجابر
- صديقك، بندر العصاد، عنيزة!
{{ من كثرها ما ناقص الا قسم الارشيف والمستودع والصادر والوارد!!
} الحبيب أبو العواكيس.. بعد التحية.. ليش باوزا اعتذر عن تدريب النصر
- عاشق العالمي، عبدالإله المنصور
{{ الجواب عند كوزمين!!
} صاحب المليون رسالة أبو العواكيس.. بعد التحية..
وش أخبار رئاسة الاتحاد ومتى الجمعية العمومية
- عبدالملك المرشد، الرياض
{{ الجمعية بعد عشرين مؤتمر صحفي!!
} أغلى صديق معوكس.. تحية وبعد.. أشوف الهلاليين غيروا رأيهم في الاستغناء عن بعض اللاعبين يبون المدرب يشوفهم؟
- صديقك مساعد العتيبي، الرياض
{{ ما يحتاج المدرب يشوف أحد لكن الواسطة فوق القانون والسمسمية!!
} صاحب أشهر زاوية معوكس.. بعد السلام.. معقولة النصر نسق المهاجم المشاغب محمد الشهراني؟
- محمد الدوسري، أبو مبارك العزيزية
{{ قول ما عاد شمو أريحة بنالتي!!
} عزيزي معوكس، بعد التحية.. أنا ودي أعرف ليش الأندية تعسكر برا؟
- عبدالرحمن الضويان، الرياض
{{ علشان جو الرياض قريب من جو أوروبا!!
} أخ معوكس القنوات تكرر مضمون التمثيليات في رمضان، يغيرون اسم التمثيلية والبطل فقط، الأولى ان يمثلوا القصص الشعبية مثل: عوج بن عنق، خاضير، سلامة بن عافية، الحوت الأزرق الذي ابتلع سفينة الأعداء؟
- أبو عبدالله
{{ الحوت الأزرق الذي ابتلع العنبر والمبارك!!
} استاذي معوكس.. تحية طيبة لشخصك الكريم.. وش رايك بنادي الصقر من البصر؟
- واحد في بريدة
{{ واحد في بريدة وياكل كليجا!!
} الغالي معوكس.. رأيك هل سيؤثر غياب الداعم الأول منصور البلوي، على الاتحاد الموسم القادم؟
- نايف غافل الخنفور القحطاني
{{ وانت مصدق انه يبي يغادر كلها مؤتمر ولا أول مباراة وتشوف الكاميرا مبرمجة!!
} يا حبيبي يا معوكس.. وش سيارتك وكم عندك من سيارة؟
- أبو عادل
{{ غمارتين XL تندة 0102م!!
} مصطر معوكس.. «الحكم تحامل علينا، سيتم رفع خطاب على المهازل التحكيمية» كم مرة نسمعها بعد أي مباراة؟
- تومي، الرياض
{{ بتسمعها الين تنفقع أذانيك!!
} السيد أبو العواكيس.. بعد السلام ما رأيك في تمر القصيم في وقت الصيف؟
- حاتم الحبردي، الرياض
{{ ولا فيه تمر وقت الشتاء يا الذكي؟!
} تحياتي يا معوكس.. أنا عندي اقتراح لك وأتمنى تقبله تقدم بترشيحك لرئاسة نادي الرياض يمكن لك عصا سحرية ويصعد لدوري زين والله النادي صار مثل البيت المسكون (أشباح)؟
- عاشق المدرسة، سعود الشريف
{{ بشرط يعود الشيحان!!
} الأخ معوكس.. تتوقع النصر يتحسن مستواه الموسم المقبل؟
- عمر العتيبي، الروضة
{{ يتحسن قرعة على الصفر!!
} سلام يا معوكس ودي أعرف وش موقعك من الاعراب؟
- بنت أبوها
{{ مدير أد الدنيا!!
} عزيزي معوكس.. تحية طيبة وبعد ما هي أوجه الشبه بين البرازيلي باكيتا والبرتغالي بوسيريو وشكراً؟
- مع تحيات عبدالله عبدالرحمن الهديب وهاني راشد الهديب الدلم
{{ كلهم حصلوا على مقدم وسعادة اللواء!!
} تحياتي معوكس.. ابسألك سؤال جوابه يدل على خبرتك الرياضية: من وجهة نظرك وش الفرق بين النصر وبرشلونة؟ أرجو عدم السحب OK ؟
- نصراوية صميم
{{ ما فيه فرق الا اعتذار باوزا!!
} عند باب الددسن بكيت غصبن بكيت.. اناظر الشلة بعد ما ودعوني ومعوكس الغالي قدره عندي يسوا ونيت.. يناظر الددسن يبي يحرك شجوني..؟
- بدر اليعقوب، القيصومة
{{ تكفى يا يسلم بن علي!!