عواكيس

٭ صديقنا معوكس، سلام في البداية والختام بصراحة عندي خوي اسمه نواف مبلشني يبي يطلع معي مقناص بس المشكلة ماله مكان وهو مصمم أنه يروح يقول لو تحطوني بأي مكان وش الحل؟
أبو طلحة
- والله لا أنت ولا أخوك شكلكم تعرفون القنص وحدكم تغريق ضبان!!
٭ مساء الخير وعساك بخير يا أبو العواكيس وشرايك في النهائي بين الهلال والاتحاد يقولون انها مباراة اللاعبين الأجانب وأنا أقول انها مباراة الكوري سول؟
سليمان الربيع - خطامة سدير
- سول وفعل نشوف وش عنده والله يستر على مفصله من انبراشة تكر أو المولد!!
٭ عزيزي معوكس: لك مني السلام اقتراح لماذا لا يكون فيه دورة أو مادة تدرس في وقت التدريب (كيف يتعامل مع المواطن) البعض إذا بادرته بالسلام ما يرد وبعضهم يرفع صوته عليك كانك أحد أبنائه علماً ان عمرك كبره وبعض الأحيان أكبر منه.
أخوك من رفيعة بريدة/ حمد التويجري (أبو عبدالله)
- يا خوي خلنا في الكرة وتدرب بلحالك!!
٭ معوكس أخبارك،، بسرعة على الطاير بختبر قوة ذكائك ما نسبة الذين قالوا معوكس يشبه عبدالله الصريخ الجمهور عطاك 92%
بدر اليعقوب - القيصومة
- ماذبحنا الا هالنسب والاستفتاءات اللي كلها نصب واحتيال ونفض جيوب!!
٭ هلا تسبق غلا،، يابو العواكيس أنا مالي فريق بزاته خاص من كل نادٍ اقطف وردة من الهلال جموحه وعبقريته وعنفوانه من الاتحاد ذكاءه وطموحه ودهاءه من الأهلي حرصه واندفاعه ورومانسيته من النصر اخلاصه وتكتيكه وبعد نظراته،،، تمنياتي لسيد آسيا وعمدة العريجا بالفوز.
بدر الي
- اما من النصر تكتيك وين تكتيك معه والخساير بالكوم!!
٭ عزيزي معوكس تحية طيبة وبعد: ما هي أوجه الشبه بين مهاجم نادي النصر حسن ربيع ومهاجم نادي السد القطري كالروس تينيريو وشكرا
عبدالله عبدالرحمن الهديب - الدلم
- واحد هداف والثاني حده يتسبب بضربة جزاء الا غاب ابو حميد!!
٭ السلام عليكم ورحمة الله وبركاته. حبيبي معوكس تكفى حسن ربيع لا يجرب المثلوثة حنا ناقصين كروش يكفي عبدالرحمن البيشي وشكراً. تكفى بدون ملفات حواري
أخوك/ علي الخيبري - الرياض
- أجل يجرب الشاورما!!
٭ سلام يا معوكس من جوف الأعماق يا صاحب النكتة يا صافي النية اخترتلك من جوف الأعماق مالاق وأقدملك عبر الجوال أحلى هدية
أخوك فتى شقراء
- ما نستقبل هدايا ودها لمرات!!
٭ لا تشره علي آخر مرة قريت زاويتك من 20 سنة أيام صحن قايم القيصومة والي أعادلي الذاكرة لمحة القيصومة تذكرت عيارتك الرياضية هل انقطعت فترة الكتابة أفيدونا مأجورين
- انقطعت وتقطعت من سوق الاسهم!!
٭ عزيزي معوكس ذكرني هدف نايف هزازي الثالث بمنتخب الامارات بأهداف ماجد عبدالله هل توافقني الرأي يالغالي
المشجع النصراوي الوفي لافي صالح العنزي
- اوافقك والله يعين الفرق على رأسه الذهبية!!
٭ معوكس فديت عيونك العسلية وين رسالة الجن هاها اظهرها يادب
اخوك بدر - الرياض
- يا دوب مرت علي أربع وعشرين ساعة!!
٭ المبدع دائماً أبو العواكيس طابت أيامك بخير وسعادة بسألك سؤالا مهما جداً كيف تجد حال الاخضر بدون القناص، صح له وحشه أبو سعيد. بليز بلا كور لافه.
أخوك الصغير/ ممدوح خالد الحواس (أبو امتنان)
- الأخضر بمن حضر!!
٭ اهلين أبو العواكيس مدري الدنيا معوكسة عندي ولا انا اتخيل قناة نادٍ يتغنون بالبطولات واغانٍ ومسجات انهم افضل فريق في العالم في تحقيق البطولات ولهم 13 سنة ما حققوا ولا بطولة الا بطولة وفئة شباب
ابراهيم الحميد/ الرياض
- وشكلهم ينافسون على الخامس والسادس!!
٭ السيد معوكس صباح الورد ما رأيك بلمسات صالح بشير الفنية حيث صنع هدفين؟ ولماذا اختار منتخبنا الطريق الصعب في مباراتيه الأخيرتين!
علي البريك - السويدي
- ولا تهون لمساته على مفاصل وركب المدافعين!!
٭ صاحب المليون رسالة أبو العواكيس .. تحية وبعد
ليه كالديرون اراح نجوم الاتحاد أمام الجزيرة الاماراتي؟
صديقك الدائم عبدالرحمن الضويان
- بلا وراه اهم ان ضيعها العودة خط السير رياض - بيونس ايرس
٭ الحبيب الغالي معوكس .. بعد التحية
ما الفرق بين الهلال والنصر؟
صديقك فهد جرجير - خنشليلة.
- بس 19 نقطة و26 بطولة!!
٭ أغلى الأصدقاء معوكس .. تحية وبعد
وش رأيك في مستوى الهلال أمام الأهلي الاماراتي؟
مساعد العتيبي - حي الصحافة
- المستوى لك عليه كن في رجليهم ثقالات عز الله ان تعودوها قالو بهم نور وهزازي وابو شروان!!
٭٭ الحبيب الغالي والصديق الوفي معوكس .. تحية وبعد
ما رأيك نوزع الحلوى بمناسبة بقاء رائد التحدي؟
صديقك الدائم/ بندر العصامي - عنيزة
- الحلوى ما يعرفونها نوزع الكليجا بالتوفي!!
٭٭ كور لافة:
- عاشق الرائد .. مبروك!!
- خالد القانوني .. يمدحون السمسمية!!
- أحمد الجبر .. زمان يا طويق!!
- حمد الدوسري أبو مبارك .. ما اطولك ليل!!