٭ ابو العواكيس يا حبيب الكل العضو الشرفي في النهائي قاضم شماغه من الدقيقة 50 بأسألك شفت احد مثله. اخوك ابو مشعل هلالي 24 ساعة - وعزيز قاضم الكرت الأحمر من الدقيقة 18!! ٭ ابو العواكيس يا صاحبي ما تشوف القناة الحصرية في المباراة النهائية تبي الدرع للإتحاد أنا سمعت الحربي من الدقيقة 60 والرجال شايل على الهلال واهدي الدوري للاتحاد ومخلص كل شيء وش رأيك. اخوك حسن المالكي - جدة - الله يالاستديو التحليلي فرحتهم أكبر من اللي داخل الملعب!! ٭ السلام عليكم وتحية طيبة لك يا أبو العواكيس وش رايك في جمهور الشمس من بعد مباراة الهلال والاتحاد وهم مبسوطين ويرسلون رسايل ومن بعد قرعة كأس الملك طفو جوالاتهم؟! سليمان الربيع - الخطامة بسدير - جوالاتهم خلص شحنها خاصة انها على الطاقة الشمسية!! ٭ يابو العواكيس جدة تكسر الخاطر تشتكي من الانيميا وهشاشة العظام وعدم الشهية لأي شي. فيها عيال خالتي وستة مليون يتمنون شوفة اللي بينهم. يرد العجوز بنيه. محبك والامين بدر اليعقود - القيصومة - جدة غير وفي الصيف راجعين!! ٭ السلام عليكم أبو العواكيس وش رايك بفوز العميد على الهلال؟ اختك عاشقة الاتحاد بس أنا «نصراوية» - يستاهل والله زمان يا كوزمين!! ٭ معوكس بهديلك 100 وردة جوري تستاهل بسمي وبأسم زملائي ال48 المبدعين في (عواكيس) نبارك للاتحاد نمور آسيا وهاردلك للهلال ملاحظة: ودي افلق خالد عزيز وسول اصنهم بنبيطه سيورها حاره. ابو يعقوب - القيصومة - ان فلقته رفسك رفسة هزازي!! ٭ ارسلتلك من مبدأ حب وتقدير لكنك رفضت ليه يا شين الأعمال صدق لا قالوا ماب بعض العرب خير لا واخساير فيك اربعة ريال. فتى شقراء - حلوة اربعة ريال على الأقل فيها فول وخبز تميس!! ٭ يقولون ان التي شيرت اللي لبسه حكم مباراة النصر وابها صيني ومع المطر صبغ الكرت. ابو عطش - ويقولون انه جاي طلبيه بالاسم من الامانة!! ٭ السلام عليكم ورحمة الله وبركاته. حبيبي معوكس دام فيها شاورما عز الله جاه التسمم والإسهال وحسافة على الطايرة الخاصة. تكفى بدون ملفات حواري ومعليش على الإطالة وشكراً لك. اخوك علي الخيبري - الرياض - باقي يجربون المثلوثة والمدفون!! ٭ عزيزي معوكس تحية طيبة وبعد: ماهو الفرق بين العالمي + الزعيم بصراحة. عبدالله عبدالرحمن الهديب - الدلم - الفرق تشوفه الليلة!! ٭ السلام عليكم صديقي معوكس انا عازمك في منتزه الشمس بمناسبة فوز الهلال بالدرع إن شاء الله قل تم؟ صديقك الدايم معاذ الحميد - مرات - قصدك درع الطائرة والكاراتيه!! ٭ حبيب الملايين معوكس.. تحية وبعد ليش بكى مدير ملعب الملك فهد ودموعه اربع اربع. محبك بندر العضياني - عنيزة - شكله يقول ابكي على ما جرى لي ياهلي!! ٭ قاهرهم وحابس دمهم معوكس.. تحية وبعد لماذا مدير عام النصر عدل عن استقالته. صديقك عبدالرحمن الضويان - مايبي لها ذكاء الليلة ما تنتفوت اضواء وفضائيات على كيف كيفك!! ٭ عزيزي معوكس تحية طيبة وبعد.. معقولة الشباب يخسر من ابها والله متفقين على رائد التحدي. مساعد العتيبي - الرياض - آخر الدوري لا تدقق لا عند الهبوط ولا عند الصدارة الدعوى شيلني واشيلك!! ٭ عزيزي معوكس.. بعد التحية والتقدير.. وش قصة الضب اللي اقتحم تدريبات التعاون. صديقك - حمد الدوسري ابو مبارك - شكله يبي يكمل التقسيمة وناوي ينقذ الفريق من الهبوط!! ٭ صاحب المليون رسالة معوكس.. تحية وبعد.. من الذي درب الهلال امام الاتحاد. صديقك زياد العايد - حي القدس - عشرة مدربين ومثلهم مساعدين والنهاية تبديلات طقها والحقها!! - الصديق الغالي ابو العواكيس تحية وبعد لماذا انقطعت اخبار مرخ وطويق صديقك فهد الحمود - الزلفي - ومن قال لك انها انقطعت شكلك ما تتابع الدوري الاوربي!! ٭ كور لافه ٭٭ ابو سلطان - الرياض الربع مقفلين!! ٭٭ عاشق الرائد - بريدة مطبوخة اويلاه!! ٭٭ علي المبيريك - الرياض راحت عليكم!! ٭٭ ابو سليمان القانوني عليك بالربابة!!
