القناعة والرضا

الظروف أحيان لو تقسى تعين
لو تراجع شبر تمشي لك قدم
لا تضايق ماتشين إلا تزين
من صبر يكسب ولا عمره ندم
لا تلوم الحظ وتلوم السنين
حتى ولو الحظ دايم ماخدم
جامل ايامك ولا تبقى حزين
من صواديف الزمن لا تنصدم
القناعه والرضى كنزاً ثمين
لا تضجر لو ظروفك تحتدم
وحّد الله واقطع الشك بيقين
الله المعطي خلقنا من عدم
صل صلاتك وأد حق الوالدين
وواصل اللي يقربك لحم ودم
واطلب الله يرزقك دنيا ودين
من بنا لرضاه بيتٍ ما نهدم
عش ولا تنسى في عمرك حاجتين
الله ويومٍ ما ينفع به ندم
مساعد العفار