شجون قلبي

كلما ذكرت أني أبفقد عيونك
تضيق هالدينا وتظلم بعيني
وشلون ابستوعب حياتي بدونك
لو أن حبك بس بيني وبيني
لعلمك أحسد كل حاجة بكونك
هذا الشعور إلي معك يعتريني
أشتاق لإهمالك (ونبرة جنونك
وحنينك اللي ما يهمه “حنيني”
أنا أحبك رغم كثرة ظنونك
وحزني عليك أعظم حزن مر فيني!
حزن يصون الجرح (لأنه يصونك
لبى جروح ٍمن يدينك تجيني
شجون قلبي نابعة من شجونك
ويا ليتها سعادتك في يديني!
وسعادتي معك انت لا يشغلونك
إكسر جدار الخوف ذا واحتويني!
تظن أخونك؟ لا وربي ما أخونك
حتى ولو ضاعت عشانك سنيني!