* هل تعتقد يامعوكس ان الكتاب والإعلام الرياضي (إعلام يدور حول العكازات) .. وانه لا حياة لمن تنادي في زمن أصبح فيه الضحك على الذقون وعبارة (خلونا نعيش) عيني عينك؟ راشد الدوسري- الخبر - نسوها وانشغلوا بالبيانات! * قريبا ستردد جماهير الشمال يابو العواكيس في دوري عبداللطيف جميل .. الطائي شاقني وتراك مدعو لحضور اول مباراة؟ عبدالمجيد الشمري - حائل -شكلها شاقني في دوري الجموس! * الحبيب معوكس الم يحن الوقت لنرى صندوق الوفاء على ارض الواقع.. ياخي أمر غريب أن تعلن رعاية الشباب عنه ولانشوف له أي اثر برأيك من اختطف هذا الصندوق؟ حمود العنزي- الجوف -تحول صندوق ونيت غمارتين! * الأستاذ ابو العواكيس يقولون المهنا غيّر حكم مباراة الهلال والاتحاد من مرعي عواجي الى صالح الهذلول علشان يقهر بعض الصحفيين اللي ينتقدون لجنته.. وش رأيك؟ بدر السلطان- الدمام - ابدا ابوعزوز مايبي يقهر الا بلاتر! * الكاتب الشهير معوكس صحيح أن بلاتر يبي يعينك منسق إعلامي ولكنك رفضت.. اشرح لنا أسباب الرفض؟ عبدالله التميمي- الرياض - ابو البلاتر تذكر أني ماانتخبته ودور على غيري! * صديق الجميع معوكس وش السر في التركيز على سامي الجابر.. حتى بعض اللاعبين المعتزلين يوم ظهر الجابر مدرب ظهروا للإعلام وصاروا يدورون على أي وسيلة إعلامية عشان يطلعون فيها؟ محمد العتيبي- الطائف - السر في القميص السحري! * الشيخ معوكس وش رايك بالكاتب اللي بس يركز على الدفاع عن فريق معين وهو يقول انه ما يحبه.. من خلال خبرتك الصحفية والرياضية كيف تفسر ذلك؟ تركي المسلم- تبوك - اقول مسكين من هو حب واحد مايحبه قيس! * لك مني أجمل تحية يامعوكس وعطنا رأيك في لقاء الأهلي وسيئول والتعاقد مع يونس محمود ومباراة الشباب وكاشيوا الياباني .. ارجوك لا تجامل أحد.. قلها بكل صراحة؟ يوسف ابوعمر- الرياض - أقول عزالله ان اداراة الاهلي محظوظة من اعلامييها سكتم بكتم وطاش ماطاش! * الناقد الصريح معوكس .. لماذا لايكون هناك تظاهرة رياضية تقام على هامش الاحتفال باليوم الوطني.. ممكن توصل هذه الفكرة للأستاذ احمد عيد؟ -محمد المري -شروره -ابورضا فيه اللي كافيه وتركش كوفي من البيانات! * الوسيم ابو العواكيس متى شعرت ان العبرة تخنقك ولا أنت قادر تبكي وتعبر عن شعورك؟ عبدالعزيز السالم- عرعر -الا شفت ذا البرامج الرياضية اللي كنها تسجل في المدرجات! * صحيح يامعوكس صورتك وأخبارك ما تطلع في الCNN بسبب عدم قبولك بعرضهم لتكون محلل عندهم؟ فهد الغامدي- الباحة -اجل يملون علي ولازم اغير النظارة! * ما تلاحظ يامعوكس ان اللي انتقدوا عدم إعادة هدف النصر في النهضة لم يتطرقوا لعدم إعادة ركلات الجزاء غير المحتسبة لبعض الأندية.. وش السر؟ نواف الروقي- الرياض -السر في اللي ماتحمل يشوف ركلات الترجيح وصد عنها! *صاحب المليون رساله ابوالعواكيس بعد عازف السمسمية طلع لنا فنان آخر موهوب في العود وش يذكر به؟ أحمد الحمد-بريدة - يذكرني ببليغ حمدي وقبعته بالموجي! * قاهرهم وحابس دمهم ابو العواكيس فيه واحد شكله يتميلح ومايدري ان كل شي مرصود وموثق تقلب وجهه يوم شاف الكاركتير اللي يناقض خرطه لا ويقول ارفع القبعة وانت وش تقول يااستاذ النقد الساخر؟ عبدالعزيز السعد-الشفاء -اقول يترفق لايقبع رأسه بالطفاية! مع تحيات معوكس وسلامتكم للتواصل مع معوكس بريد الكتروني [email protected] فاكس 4871070
