عواكيس

* الاخ معوكس وش رأيك بالحكم الذي يحتسب ركلات الجزاء بمجرد سقوط اللاعب.. سلم لي عليه وقله ترانا محتاجينك بعد اعتزال وإبعاد اللي أنت خابر؟
احمد الصاعدي- المدينة المنورة
-محتاجينك وعلينا السباحة في المنطقه وعليك الباقي!
* الله يخليك يامعوكس تعال بدل هاشيك درب الهلال، منها نشوفك على الطبيعة ونتعرف عن نهجك التدريبي، وتحب الهجوم والا الدفاع؟
تركي الخالدي- شرورة
- شكل واسطته قوية ويقول قاعد على قلوبكم!
* الاستاذ معوكس هل تعتقد ان التعليق الرياضي سيستعيد عافيته بعد رحيل الرعيل الاول ام ان معاناتنا رايح تستمر بوجود الراغيين؟
خالد الرشيد- الرياض
-بوجود المحرجين ابشر بالازعاج!
* العزيز معوكس متى يابعد حيي نشوف الطائي في دوري الكبار صراحة اشتقنا للرمادي؟
فواز العنزي- حائل
-اشتقنا ياحلو والله اشتقنا لدوري الجموس!
* صراحة صدمنا عدنان حمد يامعوكس في مباراة النصر والفتح يوم اعترف ان بلنتي الغامدي مهو بلنتي، الرجال كنا محتفلين فيه وآخرتها نكبنا؟
يوسف العتيبي- الرياض
-مايحتفل في السوق الا من ربح فيه!
* ليش ماتسوي برنامج يابو العواكيس واي واحد يختلف معك او مايلبي مطالبك تحشه ومعاد يتعودها؟
عبدالله الثابت- عرعر
-ابسوي برنامج القلطة على الهواء واستضيف مدير المنتخب!
* حبيبنا وصديقنا معوكس وش رأيك تخاوينا الى جنيف وتقضي معنا الاجازة هناك ونخليك تذوق مندي لوزان وجنيف.. شرط ماتعود للرياض؟
بدر البلادي- مكة
-ليه .. أحد قالك مخاوي المندي!
* الاستاذ معوكس متى حسيت ان هناك بطولة وانها تتجه الى فريق معين.. قل الحقيقة لاتستحي.. الدعوى فري؟
راشد الدوسري- الخبر
-بعد ضربة الجزاء الرهيبة كل شيء جائز!
* صاحب الذبات القوية والدم الخفيف معوكس، ماهو رأيك بالاعلام الرياضي خصوصا البرامج؟
سعد الحميد- ابها
-بعضها كنه مسرحيات الامانة في العيد ضحك وهبال!
* ما نقول ياعوكسي الا يكفينا شر بعض استقبالات الحكام، شكلهم بيأخذون انطباعا غير جيد عن رياضتنا؟
ضيف الله الغامدي- الباحة
- وش عليهم اسفط اليوروات في الجيب والوجه من الوجه!
*عزيزي معوكس تتوقع العالمي راح يبدع ويجيب كأس الابطال خصوصا انه شاد حيله؟
المشجع النصرواي
ابودليل المرشدي - حي النهضة
- شاد حيله .. إلا بيقفل حفر ملعب الاحساء من قو الحيل!!
الحبيب الغالي ابو العواكيس
تحية وبعد: أنا مضيق صدري زعيم النوادي مستواه لك عليه ظنك وش يسوى هاليومين
حمد الدوسري-العزيزية
- ولا قيمة ضب انتاج العام الماضي!
الغالي ابو العواكيس
تحية محبة وتقدير وبعد تتوقع مواجهة اليوم بين الاهلي والهلال محسومة لقلعة الكوؤس
عبدالملك المرشد-عرقة
- محسومة ونص وكنها تمرين ترفيهي!!
صاحب المليون رسالة ابو العواكيس
بعد المحبة ظنك احد الفرق صدق شال السحر علشان كذا صارت نتايجه فوز ولاعبينه يحرثون الملعب حرث؟
نواف الصيخان-حي الفلاح
- شالوه الا قشعوه قشع الين صارت الارضية كنها صلعة هاشيك!