* أخي العزيز معوكس يقولون انك سبب الفوضى يوم استقبال ميسي عشان تشخص بالصورة معه عند ام العيال.. صحيح؟ خالد الراشد - الرياض - وانت الصادق هو اللي يشخص معي خاصة أن عقدي أكبر!! * الاستاذ ابو العواكيس يقولون انك بارع في دبلجة الصورة وانك ناوي تدبلج صورة الهليل وبعده صياد؟ بدر اليوسف - تبوك - الله يرحم حال المفبركين لكن شف وجه و.........؟! * الساخر معوكس متى نراك مذيعا في احدى القنوات الرياضية عشان نشوفك على الطبيعة ونحكم على اسلوبك؟ عبدالعزيز التميمي - الخبر - انا طموحي ال cnn!! * الى كاتبي المفضل معوكس برأيك لو ذهبت الى الارجنتين هل سيحتفلون بقدومك مثلما نحن احتفلنا بقدوم ميسي؟ فهد السعيد - بريدة - اكيد وأكبر من كذا فاكرني سهل والله يعين اللي ما عنده واسطة في مطار بيونس ايرس!! * الناقد الكبير ابو العواكيس كيف رأيت مستوى المنتخب السعودي امام الارجنتين؟ سعد الشيباني - الدوادمي - مثل منتخب سدير في المونديال!! * الحبيب معوكس من رأيي والرأي لسعادتكم ان استقالة الدكتور حافظ المدلج عن المناصب المحلية خسارة كبيرة للرياضة السعودية.. انت وش رأيك؟ صالح العبدالله - الرياض - يرقد على أهم واسأل بلاتر! * صاحب الاسم اللامع معوكس ماذا فهمت من تصريح ريكارد عندما قال ان مباراة الارجنتين الودية لا علاقة لها بالاعداد لدورة الخليج؟ رائد العوفي - الجوف - فهمت انه ذبحنا بالعلاقات وينافس المدير على الوعود وما شفنا شي!! * نصيحة لوجه الله يا معوكس اترك الرياضة وخلها للناس اللي اقل منك شهرة وتراي مرشحك امين سر لاحدى اللجان.. قل موافق؟ مذود العنزي - الحدود الشمالية - اخليها للناس والله لولا لولا كلام الناس!! * كيف تشخص لنا اسباب خسارة الاهلي في نهائي كأس آسيا؟ التحكيم ام الطقس ام قوة الخصم؟ محمد احمد - جدة - الرهبة!! * فسر لنا يا معوكس اغلاق المهندس سلمان النمشان الابواب اثناء تدريب الارجنتين؟ حمود الرشيدي - حائل - ابو مخلد ضيع المفاتيح!! * صحيح يا معوكس انك تنوي الاتجاه للتعليق او التحكيم.. انت اين تجد نفسك بالضبط؟ احمد عسيري - ابها - في الرياض وبس!! * الاخ معوكس كيف يطالب البعض بالوطنية اذا لعب فريقه واذا لعب فريق آخر يقول التشجيع حرية شخصية.. فسر لنا هذا الكلام؟ محمد اليوسف - حفر الباطن - قصده دجاج الوطنية!! * ما تتفق معي يامعوكس ان واقعنا الرياضي جيد وان اللجان تقوم بعملها كما يجب وما احد يؤثر عليها؟ بدر بخيت - الرياض - وين جيد معه وذا المهبل في الديوانية كنك في شهار!! * الحبيب ابوالعواكيس تحيه وبعد: شفت ميسي سواها ومازارنا في سوق الحمام بصراحة ما توقعتها منه كنا مجهزين له ضبان وعصافير على كيف كيفه؟ صديقك -حمد الدوسري - ابومبارك - ابرك له انه مازاركم كان راح فيها من الطراطيع والشروخه!! * العزيز ابوالعواكيس تحيه وبعد: وش رايك في الخراط اللي يقول العالمية بس للاتحاد والنصر هذا وش قصته؟ بندر العصاي - عنيزه - قصته خراط ومهذري!! * صاحب المليون رسالة معوكس وش في الجو بين سامي وياسر ودي أعرف؟ عبدالملك المرشد - عرقه - في الجو غيم!! * الحبيب ابو العواكيس وش قصة القناة الرياضية مباراة المنتخب مع الارجنتين يبعد عنها المعلق الوطني وكن ما عندنا معلقين وش ذا الحاله؟ نواف الصيخان - حي الفلاح - وش ذا الحاله ولا أم الحالة الواسطة فوق القانون والسمسمية!!
