عواكيس

* الا خ معوكس لاعبي المنتخب السعودي في دورة الخليج فضحونا بشأن الكابتنية وهم يعرفون ان ياسر احق فيها لماذ المهاترات؟ وبعدين هل صحيح ان ناصر الجوهر جاهز في خدمة المنتخب؟
متعب صويان
- ابوخالد مثل ماقالوا شافوه في الغرابي يرصص الكفرات يوم مادقوا عليه قلبها عمره!
* العزيز معوكس ماذا لو طبق نظام ان القنوات الرياضية ماتستضيف الا اللي من جنسيتها؟ من المتضرر برأيك؟
خالد التميمي- بريدة
- المعلق المدلل وصديقه المتنبي!
* هل تمنيت يامعوكس انه لم يأت اليوم الذي دخلت فيه الاعلام؟
بدر العيد- تبوك
-ابدا... اللي فشلونا فشايلهم عليهم!
* الاستاذ معوكس ماذا ترك محمد المسحل خلفه من نجاحات، وماذا سيفعل في اللجنة الاولمبية؟
راشد الدوسري- الخبر
- ماقصر كاسين عالم والمركز الاول في تصنيف (الفيفا)!
* عزيزي ابو العواكيس واضح ان بعض الاعلاميين الذين دائما يدافعون عن اتحاد الكرة ورعاية الشباب انهم مجاملين ويمكن يدورون على منصب؟
حمود الخمشي- تبوك
- وانت الصادق يدورون على المشاكل !
* اخي معوكس كيف يصف الدكتور مدني رحيمي تحليل حمد الدبيخي بالفاضي، حرام وين خبرته بالملاعب يوم كان مع الاتفاق؟
محمد الهاجري
- الدمام
- لا هذي بصراحه صدق فيها ابو رحيمي!
* الناقد الكبير معوكس علمنا يابعد حيي وش قصة مانغان يقولون الرجال ناوي ترك الهلال، خبرني بالعلوم الصحيحة وابشر بالبشارة؟
عبدالله العنزي- حائل
- مع الشمس بخمس وعلي التذكرة!
* بخبرتك يامعوكس من اللي ورط اتحاد الكرة بالهولندي ريكارد وكيف نتخلص منه وتعود الهيبة للمنتخب؟
يوسف العبيد- حفر الباطن
- اما تخلص كثر منها يبي لك قرض الصندوق العقاري مضروب في خمسة شرط جزائي!
* معقولة يامعوكس ادارة الهلال تفرط بويسلي وتشتري بقيمته اثنين من الاجانب، طيب اذا ما ضبطوا من المسؤول عن رحيل البرازيلي؟
عبدالعزيز السالم- جدة
- المسؤول محجوب!
* الخطير معوكس متى يكون التدخل من اصحاب القرار لتنظيف الساحة من الابواق والمتلقين الذين لايعيشون الا على الاساءة لرياضة الوطن؟
فهد الرشيدي- حائل
-الله يعجل به ويريحنا من هالمطرسة اللي من شعر المتنبي والعزف على السمسمية!
*صاحب المليون رسالة ابو العواكيس شكلك هواوي وقلبك خضر ذبحك العشق والحب الاول اللي راعيه عطاك وجه اسبوع وبعدين سحب عليك وش ردك؟
احمد بن حمد
-الصفراء
- قبلي قيس سحبته ليلى في مضارب بني عبس وقضبته الدائري الشرقي!
*قاهرهم وحابس دمهم معوكس أشوفك ماتنصح بالطحينية طيب اللي ياكل زيتون حبه..حبه وش يطلع له؟
صديقك -حمد الدوسري-ابومبارك-العزيزية
- يطلع له حبة خال في جبهته!
*الحبيب ابو العواكيس وش أبرز مالاحظته على لاعبي منتخبنا في خليجي 21؟
بندر العصاي
-عنيزة
-القزع اللي كنه مسليحا!
*ابوالعواكيس المبدع ماهو وجه الشبه بين ريكارد وكومبواريه؟
نواف الصيخان-حي الفلاح
-التخبيص والخطط اللي تهبل!
*أحلى ناقد ساخر يابعدهم كلهم أنت طالب سكري وكليجا من واحد في بريدة وماارسلها لك لايصير زعلان والا في الخاطر شي عندك خبر؟
صديقك
-سموني سيبويه
-له حق يزعل ثم له حق نرضيه ونفوز بالكليجا!