عواكيس

* بكل ثقة يامعوكس اقول للادارة الهلالية خلوا الفريدي يروح، الهلال مصنع النجوم والذهب واذا بغى يروح مع عزيز ما عندنا مانع!
يوسف الخليفة- تبوك
- يعني بيردد حل الفراق وشان طبع المعازيب!
* برأيك يامعوكس هل محمد نور فوق القانون، ولماذا يدخل نفسه في مشاكل وهو لاعب كبير يفترض يصير قدوة؟
ياسر الزهراني - الباحة
- خلك حليل وابلع العافية لايجيك وما عاد تبلع ريقك!
* وش يصير في النصر يامعوكس يسجل اي لاعب شكله يامعوكس بيحقق بطولة في الاحلام؟
صديقك مبخوت من الافلاج
- اللي يسمعك يقول انك شرهان على ميسي وتشافي؟
* كيف رأيت يامعوكس سالم الدوسري مع الهلال امام النصر صراحة نسانا اللي (في بالي) ويظن انه الفريق بدونه سيسقط؟
حمود السعيد - الدمام
- اللي في بالك ما يعود رزة الخشم، عساه يضمنها احتياط!
* وش رأيك يامعوكس باللي يطالب الاعلاميين بالتكاتف والوقوف في وجه كل من يحاول الاساءة لهم؟
تركي السويلم- الدوادمي
- خائف يجيه الدور.. ويبي يولم العصابة!
* ماهو تفسيرك يامعوكس لصمت الادارة الهلالية لمن يسيء للنادي وبعض اعضاء الادارة.. وهل نسمي ذلك مثالية او عجزا ام لأن من يسيء يعتبر (صديق)؟
فهد المطيري- حفر الباطن
- اهم شيء ما يسيء لها وباقي الاعضاء بسلامتهم!
* الم تلاحظ يامعوكس ان اللي كانوا يهاجمون التحكيم الان يدافعون عنه وش السر؟
صالح السالم- الافلاج
- السر في الاهداف غير المحتسبة و(الجزائيات) اللي تشوفها جدتي!
* السيد معوكس صباح العسل والقشطه ماذا يحتاج النصرحتى يعود عالميا؟ ومارأيك بسمفونيه الموج الأزرق الرباعية؟
عبدالله العبيوي ابو نايف عاشق حي المصيف(الكويت)
- يترك المنافسين في حالهم ويركز على حاله!
* الاستاذ معوكس وش صار في قضية ايمانا وهل وجدت تفسيرا لما حدث؟
سعود الرشيد - الرياض
- وهق بعض الناس يحسبه عندنا.. وآخرتها ردد يالله السلامة!
* تصدق يا معوكس أني شفتك قبل فترة في مطعم بالرياض مع صديقك أحد الحكام ومن يوم شفتكم عرفت ان الطيور على اشكالها تقع؟
عبدالسلام العجمي- نجران
- كانك صادق قل لي وش كان بيدي عجراء والا شاورما؟
* عزيزي معوكس ماهي تحضيرات لجنة الانضباط للكلاسيكو، وهل نشاهد حضورا قويا ورصدا لكل صغيرة وكبيرة؟
- لاتخاف من مساء الاثنين اللي راح وهم متولمين!
* ماهو رأيك يامعوكس بقرارات الحكم اليوناني في لقاء الشباب والاهلي في الكأس؟
بدر السرحاني- الرياض
- رأيي انه ادى المهمة على اكمل وجه ولاتكثر البربرة!
* يقولون انك يامعوكس مساء الاثنين اصبت بالرجفة وان لك انين على طريق الرياض- الربع الخالي صحيح هذا الكلام؟
عبدالمجيدالمري- شروره
- ليه شايفين قائد للمرجفين والمرتجفين؟
* لو كنت رئيس قسم رياضي يامعوكس وش بتسوي في زمن (شد لي واقطع لك) وماهو الشخص اللي من الممكن ان تستكتبه وتخليه يشخص بالمقالات عندك حتى وهو مايعرف؟
- اللي بيستضيفني ويخليني أعد عنده برامج له الاولوية!
تشافي