ألمحك

ألمحك وأصد وأنسى إني لمحتك
بس فجأه..صاحبي تطري عليّه
كنت أكابر وأتجاهل لا سمعتك
والصحيح يزيد الشوق فيّه
بأعذب حروف القصايد لا وصفتك
قلت لأهل الشعر ..جيبوا لي حليّه
صاحبي دوّرت أنا عنك وشفتك
بين قلبي وبين عين أجوديه
كنت أحاول فيك لين إني فهمتك
فارق يا صاح عن كل البريّه
بإسمك الورد يتشكل لانطقتك
ما تشكل من حروفٍ أبجديّه
قلبي أغلى شي عندي هو وهبتك
وأدري إنك صاحبي..صنت الهديّه
مايطولونك وأنا يا صاح طلتك
وأتباها بك..على كل الرعيّه
بس أغار من القصايد لا كتبتك
صاحبي هذي ترا كل القضيّه