غيمة شعر

ما عاد ينبت قصيد .. وماتت أعشاب
والقلب ما عاد تاسعه المحاني
يغيب هذا الفضا .. وتسكر أبواب
والصمت يتبعني ب صمت وأعاني
من غبت عني وكل الناس غِيّاب
بعدك ولا فيهم اللي ما نساني !
بعدك وأنا ما بقى لي حي ما غاب
ولا بقى حرف ينطق به لساني
من غبت .. كل البلد بعيوني تراب
أحجار .. لو كان سمّوها مباني
من غبت ..والقلب يركض لك ولا شاب
يضوي لك أقمار .. وأحلام .. وأماني
من علمك تقفل الدنيا ورا الباب ؟!
ما غير طيفك غرسته في مكاني