العمر يوم وليل الأعمار سراي

قريت في دفتر هل الطيب والراي
حكمه ولكن في الحقيقه نصيحه
جتني على قمة مزاجي ومشهاي
صريحه من عند ناسن صريحه
تبهج خفوق اللي عزف للعلا ناي
وتشوي وجيه أهل العلوم القبيحه
رسمتها قدام خطوات ممشاي
وخزنتها بالراس قبل الشريحه
تقول لامني بغيت أقهر اعداي
وداوي جروح الكبود الجريحه
أصمت ليا منه خطا كل خطاي
وأضحك ليا زاد المهوّي نبيحه
وأصبر ولو كبرت على الراس بلواي
وأمد لاقصرّت يدين الشحيحه
وأشوم عن مجلس هرج فيه وشاي
وعرض الرجال الليا أنذكر مستبيحه
والعمر يوم وليل الأعمار سراي
وفجوج ربي للأوادم فسيحه
ولايستوي رجلن للأمداح شراي
مع واحدن فعله لربعه فضيحه
وأليا تردى القرم ثم راح شكاي
الطيب ندعي له عسى الله يبيحه
ماجد عبدالله المحياني