قلبي جريح

ارحلي يالوعة النفس وشقاه
ارحلي خلي عيوني تستريح
يكفي اللي بالخفا همك خذاه
ويكفي اني بالشقا قلبي جريح
اتركيني بالعمر اجني عطاه
دام حظي للأسف اصبح طريح
ذكرياتي بالأسى تشكي غلاه
والعنا في داخل انفاسي يصيح
ودي انسى واسعد بطعم الحياه
واتهنى قبل ماعودي يطيح
ودي ولكن انا وين النجاه
دام اسمع بالخفا صوت الفحيح
الألم ياهاجسي من هو رضاه
ومايصح بها الزمن الا الصحيح
والله اني صابر وارجي وفاه
ولو زماني بالوفاء اصبح شحيح
واتمنى لوعتي تاخذ شقاه
واتمنى بآخر العمر استريح
فهيد البقعاوي