كيف ترحل ؟!

كيف ترحل عن حياتي يا جنونك
وين بلقى مثل قلبك وارتجافه
ما هقيت تشّح وأنا اطلب مزونك
ضل صدر الشوق يستأحش جفافه
انثنت في وجهي الشاحب غصونك
والسهر ما أعلن عن العين انصرافه
هو كذا ترحل وتترك لي طعونك؟
شكراَ ل قلبي على (حسن الضيافة)
يوم أبي وصلك تبعت أردى ضنونك
وأنت ذنب أصعب على البعد اقترافه
ما خذيت من البعاد إلا سكونك
وما جنيت من العتاب إلا الكلافه
كل ما تعزف لي الفرقى لحونك
مقبل معاتب مقفيهّا بحسافه
يوم عذالي عليّ يعايدونك
جيت أعايد حبك بليلة زفافه
كيف أبتخيل صباحاتي بدونك
صوتك الدافي وكوبك وارتشافه
شوفني بعدك غريب بوسط كونك
وان ذكرتك قلت يا طول المسافه
قلت لك من قبل لا ترحل عيونك
أنت أول شخص بالدنيا أخافه