بعد أن أصبح خطرا على السكان ... شرطة محافظة عيون الجواء تطلق النار على ثور هائج ( يوجد صور)

اضطر رجال الشرطة بمحافظة عيون الجواء إلى استخدام السلاح وإطلاق عدة رصاصات للسيطرة على ثور هائج .وتأتي تفاصيل الحادثة بحسب المصدر وشاهد عيان أنه وعند قيام أحد الجزارين بشراء ثور كبير الحجم من مزارع قرب مركز الطراق(شمال القصيم) وأثناء محاولة نقله بالسيارة استطاع الثور أن يُفلت قيوده وكان في حالة هيجان وهستيريا فبدأ بتحطيم وتكسير كل ماتقع عليه عيناه وحاول صاحب المزرعة (البائع)توقيفه باستخدام حراثة ولكنه لم يستطع وتم إعطاب الحراثة بعد أن أحدث الثور فيها ثقباً في رديتر الماء فالحالة التي كان عليها الثور جعلته ينطح بقرنيه كل شيء يقف أمامه. وفي تمام الساعة السابعة والنصف مغرب يوم أمس الخميس تلقت غرفة عمليات الدفاع المدني بعيون الجواء بلاغاً عن هروب ثور هائج من أحد المزارع كما تلقت شرطة المحافظة بلاغاً عن الشأن نفسه وتجاوب رجال الدفاع المدني والشرطة بسرعة مع البلاغ وتم إرسال فرقة لمطارته والإمساك به ومع ذلك لم يستطع أحد من رجال الأمن أو المارة من التصدي له أو الاقتراب منه بسبب شراسته وتعرضت سيارة من نوع(دينا)لأضرار بعد محاولتها اعتراض طريقه واستمرت عمليه المطاردة عدة ساعات وسط البراري وأثناء اقتراب الثور من مركز روض الجواء وخوفاً من إحداث أضرار بالسكان أو المارة أو إعاقة حركة المرور والسير تم أخذ الأذن بإطلاق النار على الثور الهائج ووصل الأذن بمحاولة شل حركته دون قتله كما تم أخذ الأذن من صاحبه(المشتري) الذي كان متواجداً واستطاع أحد رجال شرطة محافظة عيون الجواء قنص الثور من مسافة بعيدة وشل حركته بعد أن أطلق النار على الأجزاء السفلية من جسمه(الأقدام) فسقط على الأرض وكان ذلك حوالي الساعة الثانية وعشر دقائق من ظهر اليوم الجمعة وتم نقله بسيارة صاحبه التي كانت نقطة انطلاقه وهروبه منها
ايه توي افك اللغز انا بشقراء اللي ورى الروض اليوم الظهر بعد صلاة الجمعة واشوف عمال يربطون الثور بالردمية وهو يخرخر دمان احسبه مصدوم اثاريه مرمي
وين قرونه
واعطب اديتر الحراثه بقرنيه؟؟؟؟؟؟؟؟؟؟
والله شكله حبيب .............
لكن الناس تحب الطهبله وتشويه الاخرين ......هايج وكسر واعطب وتعطيل حركة المرور
ومن هالسوالف........
ياخي شف عيونه كلها برائه وحبابه وطيبه لكن بالزمن هذا ماتنفع الطيبه
صح انه دب وذيخ لكن مايعني هذا انه شري وعنيف بلعكس الله يهديكم بس
رايحين تفزعون الدفاع المدني والشرطه والهلال الاحمر ووو مابقى الا الطواري والمهمات الخاصه والجيش
ياخي لو يتعاقب عليه اثنين بحبل متين ويتذرون بسيارتين كل واحد ورا سياره ويدورون عليه ربطوا رجليه وانتهت القضيه
مسكين والله كان خليتوه
لمين يجي الليل
ويهدا
وتختونله تختي بعدين المطارده ماعمره جا منها خير...... لو..... اوتدري فاتت........مابه فايده
ثور
الله يستر
لايكون جنون الثيران وصل لديرتنا
شكر
للاخ
عبدالله
على نقل كل حدث بالمنطقه
ههههههههههههههههههههههههههههه
لحم الثور الحين صار :::::::::::::::::::::::::
لصتك حلبي = يعني تبي تفل سنونك سيور نباطه
ليه قرونه مكسورة حرام عليكم
وعموما شكرا على اتخاذ القرار السريع في اسقاط الثور لراحة المواطنين
حرام عليه والله يعني مافيه طريقة غير اطلاق النار بهيمه يعني ممكن السيطرة عليها بكل سهوله
وين حقوق الحيوان والرأفة بالحيوان
مجرد رأي نابع من عاطفة واحساس مرهف
الله يفشلكم جهات امنية ثور تطاردونه من مساء الخميس الى بعد ظهر الجمعة وآخرتها اطلاق نار !!
والله انه كان بالامكان السيطرة عليه دون اطلاق نار
وبعدين ما دام بقيتوا هالمدة كان يمديكم تجيبون بندقية تخدير وتخدرونه بدل هذا التعذيب
بعدين وين الناس اللي اذا صار حادث لشخص قالوا طاردته الهيئة والمطاردة ممنوعة ليش ما يشنون حملتهم على الامن ما دامهم طاردوا الثور هههههههه
اعتقد لو كانت الهيئة حضرت المطاردة كان شفنا الهجوم عليها وكيل الاتهامات والمطالبة بمحاكمتهم بحجة ان المطاردة ممنوعة
وين دون الحاق الضرر به
والدم يخررر من راسه
والله عندنا قناصين
ياناس هذا ثور تعرفون معنى ثور
اتعجب من اللي يقول حبل متين ويجون خلف سيارتين وافلام اكشن
والله منت صاحي يقولك الحراثه انعطبت وانت تبغا تجيب الثور بين سيارتين وفي ارض فضاء ..
نطحه وحده ونقول الله يرحمك ..
مثل واحد في منطقة السر بالقرب من القصيم انطحه ثور هايج وفتت كبده وصابه نزيف داخلي ومات في مكانه .. الله يرحمه
ولو هو بعير اشوا واخف شوي البعير ماله قرون ولا ينطح وتقدر تنحاش لانه موب سريع مثل الثور .. هههههههههههههههههههاااي
نسأل الله ان يكفينا الشر
اهاااا عرفت السبب الان في مصرع قرنيّ هذا الثور المسكين
السبب هيئة الامر بالمعروف كانت تطارده في البراري لأنه متهم في تهريب الف كيلو حشيش .. وكان يخطط لخلوة غير شرعية ببقرة في مزرعة مجاورة ..!!!
الحين بينزلونها الصحافة بكرة وبيلصقونها في الهيئة .... ماهي غريبة...
بني علمان مستعدين يقلونها ..
على العموم الحمد لله على سلامة الثور الهايج واللي يسأل عن قرونه يمكن نشبة في طرمبة الموية حقت الحراثة وانكسرت ..@@
الصراحه خبر مهم ههههههه
مااقول الا ياكثر والله الثيران بالديره اللي يبون قنص بعد
الحمد لله على السلامه
لكن احب اقول انه فيه طرق ووسائل اخرى غير اطلاق النار
ياريته كانت ابره مخدر
واولا واخيراً الحمد لله على السلامه وقدر الله وماشاء فعل
حرام عليكم على طول ما فيه غير ذبح
طيب فيه طرق ثانيه تخدير فيه مسدسات للتخدير لكن شكل ما عندنا مثلها
و بعدين بدون ضرر وين !! الثور خلاص فطس يبغاله قتل رحيم
يا شرطة السعد - ما شاء الله والإنجاز العالمي المثير - الحمد لله على العافية-ثور!!!!!!!! عزالله زحمة انجازات@@@
ههههههه يااااااااااا ويلكم من جمعية حقوق الأنسان اااااسف قصدي الحيوان هع
ليتكم نقلتوا الخبر بون صور المشهد مؤثر مهما يكون هذا حيوان لا يفقه الأولى أن تكون هناك طرق اخرى للسيطرة عليه دون تعذيبة بهذا الشكل من الطبيعي أن يصايب بالرعب والخوف وبالتلي يدافع عن نفسة هذاه غريزة في الحيوان كما في البشر ما اقووووووووول الا حسبي الله
وين قرونه اللي مسببه قلق لايكون قصوها ههههههههههه
ماأقول إلا حلووه يقول عبيد (( تدليع للكاتب )) واستطاع أحد رجال شرطة محافظة عيون الجواء قنص الثور من مسافة بعيدة اصلا كيف قنصوه وهم معهم مسدسات او معهم رشاش ولو معهم رشاش كيف معهم واحد يعرف يرمي وهم ياخذون بالسنتين دوره للرمي وكل هذي الدور اسبوع او اقل يعني بس بفهم
يذكرني هذا الخبر بمقوله تنسب===لشنتر بن عداد ====
وش يدري الثور اني عنتر!!!
بعدين معذور الثور لو انا مكانه سويت اكثر من اني انطح الحراثه كوم الحديد عندنا اوادم اردا من البهايم===تخيلوا
وراه الشرطه والاسعاف والمرور والدفاع الدني وراعيه الي باعه والي اشتراه والجماهير وكلهم يبون حلقه ==وين يروح هبلوبه المسكين ==وختمه غلط بغلط ما يجب اطلاق النار الحي عليه المفروض تخدير زي الي يضرب فيها الاسود والنمور .. لكن اشوف هايليومين صاير اطلاق النار عن افراد الأمن شي عادي زي ما رموا السوري وهو بوسط خزان!!!
لا تطلقون النار على الاحياء اطلقوا سراح المساجين والمديونين وعتقوا رقاب المسلمين من البنوك الربويه....وعتقوا رقاب بناتنا وعيالنا من العنوسه...اطلقوا النار على كل ظالم مهب على بهيمه ياتنك....اقول ما عقب عجت مكاين سنجر شئ نكبه!!
دمتم ودامت السنتكم رطبه من ذكر الله
الله يرحمه
يقول ان الجزار ماخذه؟؟؟؟؟؟؟؟؟؟؟ الدعوى مهيب اللي انت تبي
الجزار وش يبي بالثور؟؟؟
معقوله ياعالم ياناس شرطه ودفاع مدني على مستوى محافظة
ولايكون معهم البندقية المخدره الخاصة بالسيطرة على الحيوانات لمثل هذه الحاله
علما انها رخيصة الثمن
وش ذنب هذا البهيم تشيطرون عليه
وين تروحون من جمعيات الرفق بالحيوان التي سوف يصل اليها هذا الخبر؟!!
ولكن بعد هذه الحادثة نطالب من مدير عام الدفاع المدني بالمملكة
ان يامر بتزويد نقاط الدفاع المدني بالمملكة بهذا النوع من البنادق عاجلا وليس اجلاً.
\"واستطاع أحد رجال شرطة محافظة عيون الجواء قنص الثور من مسافة بعيدة وشل حركته بعد أن أطلق النار على الأجزاء السفلية من جسمه(الأقدام) فسقط على الأرض\"
وييييين الرصاصة بالرآس واضح جداً من الصورة وبعدين ترى طريقة الصيطرة على الثور سهلة جداً:
اعطه علف أو برسيم عليه \"منوم\" من إحدى الصيدليات البيطرية وصلى وبارك ولا قُتل قَتل!!!
يعطيك العافية ياأبازايد على هذه التغطية لاعدمناك
لكن اسمحلي سالفة هالثور جابها الله أباأعاير بها حبيبي أبو صالح ...هههههههههه
لاعدمناكما
وهالحين ياثور .. طيحت اللي براسك ؟؟؟
صدق انك ثور
والله ثور كيف يشرد ويسبب لنفسه هالمصايب ...لكن مااقول الا الله يخلف على امه البقره وابوه الثور.... مع العلم هناك بعض الناس عيالهم داجين مسببين المشاكل لغيرهم مثل هذا الثور واهلهم مايختلفون عن اهل هذا الثور
يقولون انه اعطب الحراثه بقرونه واما مااشوف قرون
اتوقع ان قرونه اتوماتيك تطلع وقت الهجوم وعند السلم تختفي
خخخخخخخخخخ
وقالك العسكري راميه مع الرجلين وهو معطيه رصاصه مع العلباه
او تصدقون مع القرن شكل الرصاصه شايلة القرن
قال ثور هائج
بعذرة يوم شاف الشرطة والدفاع المدني وأساليبهم الحديثه أنجن وأنهبل
لكن الدفاع المدني وش دخله بالموضوع ليكون يبغى يسوى عملية تبريد للثور ويمتص غضبه
اللي اسمك---(السبب الهئية )قسم بالله انك سخيف واللي مسك جهاز اسخف منك -- شكلك بزر وطحت بالنت-- تكلم زي الاوادم والا صك افمك --- العالم بالمستشفى وانت تنكت يا بزر---لو الثور جاي منشب قرونه ب----- راسك كان خطت افمك
يله اخلصو لاتعذبونه !!!!
اذبحوه وزعو الحم علي الفقراء
ولا يجلس هكذا جريح معذب !!!!!
(أو إعاقة حركة المرور والسير)
اي حركة مرور والله لونه بطريق خريص بالرياض
أبو خالد خلك عند أم خالد لوحضرت بالصدفة كان حتى الثور مايمديه يراك من سرعة هروبك
ياجماعة الخير الخطاء واضح من صاحب الثور لاانه لم يجيد السيطره عليه من حين استلامه كان من المفترض عليه توفير امكانيات السيطره باالطرق المتبعه عادة التعامل مع حيوان ضخم ويشكل خطوره فى حالة فقدان السيطره عليه كماحصل مع مالك الثور وهذه الحادثه ذكرتنى بحادثه ومنذ عدة سنوات فى المدينه المنوره عندما ذهب رجل لتقديم الطعام لثور كان يملكه فى مزرعته الخاصه وتأخر فى العوده الى اسرته داخل المدينه وعند حضور ابنائه للبحث عنه داخل المزرعه تفاجئو بوجود والدهم متوفى داخل حظيرة الثور وبسبب هياجان الثور وهجومه على والدهم بقرونه ==حسبنا الله ونعم الوكيل وقد ترك ابناء وبنات صغار وعنده ابناء كبار متزوجون ==واعتقد تعطيل حركة الثور بأطلاق النار عليه افضل من تركه يعرض ارواح الناس للخطر ==والله المستعان
السلام عليكم السلام ورحمة الله وبركاته0000000000000000
سؤال/لو ضاربله أحد ؟؟؟؟؟؟
كان االراعي حقه اذا سمع الخبر يبدأ ينغف(؟) وهمن غرامة وهمن الراعي شلق بصل
وشكرا000000
=(
أخوكم:عزيز
والله صارت اخبارنا مثل اخبار الغرب حمار يهرب حشيش وثور يعطب حراثه
اكيد الثور له علاقة بالحشيش الي مهربه الحمار
صدقوني لو كانت بقره ماتم اطلاق النار عليها لانها مؤنث ويمكن تشتشكي عل حقوق المرأة بس عشانه ثور كل الناس ضده حتى الشرطه لانه مذكر وانتم عارفين المذكر كل شي ضده حتى الثور .
عموما أنا أتوقع أن سبب هيجان الثور لانه عزوبي ويمكن أنه يحب بقره وزوجوها ثور غصب عنه
(( ومن الحب ماقهر الثيران ))
نصيحتي لصاحب الثور خل الثيران مع البقر يضيع الهيجان وتسلم الحراثات ويوقف أطلاق النار وتستتب الحاله النفسيه لاي ثور .
الغريب كل الردود ولا واحد قرب للمشكله الحل بسيط جدا وتحدث دائما عند اهل المزارع ولا تقولي هيجان ومانقدر لوا راعي المزرعه طلع له بقرة وتركه الثور مارايح يتعداها وحدثت لنا كثيرا لكن وقت المشكله يجب عدم التسرع لانه يتوقع الثور اي شي الهداوه الهداوه ودمتم
السلام عليكم
الردود حلوه بس فيه ناس تجهل معنئ كلمة (ثوووور ) هائج يحسبونه هج يعني هرب
لا هائج يعني منتحر يعني اي شي قدامه ينحره منحار ولا يهمه احد الحراثه دخلبه
بسرعه مايقارب 30 بالسياره يعني علئ سررررررررعته وبعدين الهيئه ماله دخل ولا
عنده خبر عن الموضوع وبعدين الشرطه ماقصرت لو لله ثم الشرطه كان علوم
وكان معدم عائله والا طرقي والا لاسمح الله اي احد قدامه لاكن رجاء ماحد يرد
بسخريه واستهزا الا اذا عرف الموضوع لاكن ارجع واقول ماقصرت الشرطه وقناصينه
وتحياتي لكل من رد بأحترام وادب اخوكم غريم بريده (عيون الجواء)
الله يفشلكم ياأهل العيون
عجزتم عن ثووووووووووووور راحو الرجال
السلام عليكم ورحمه الله وبركاااته
احب اضيف معلوومه ل اخوي (( علي الحجاج ))
أولا اهنيك على ها الاسلوب اللبق والرووووعه وثانيا ان المزرعه بااالطرااق وصااحب المزرعه من الروض والعيون لا له دخل باالسالفه ولا شي حتى يفشلونك ويااليت الواحد يتأكد قبل يكتب والله يشفي اللي با المستشفى ويعوض رااعي الثوور خير انشاء الله ومشكوووووووووور أبو زااايد على التغطيه الاكثر من راااائعه وعساااك على القوه .. . ... ..
يا اخي ما شفتووا حلقه عدنان ولينا يوووم يهدون الثور على عدنان وعبسي
كان سويتووا مثلهم تراها سهله ومضمونه
واللي ما شاف الحلقه يمديه يشوفها وبعدين يطبق
بالتوفيق يا شباب
المعروف عن اهل القصيم خفه الدم والشمااته بس الموضوع غير وربي الردود قمه في خقه الدم يعني اكبر همهم وين القرون راحت والثاني انوع الاختراعاات في طريقه ترويض الثور
وخاصه سالفه تزويج الثور و حبه لبقره في مزرعه ثانيه لله يرجك يا شيخ