حالة

إهداء إلى الشاعر القدير فهد دوحان:
الشعر رمد على القيفان
وأنا نويت أشعله مره
حاولت أعده وطن وألحان
موطن وأراضيه مخضره
لقيته الكهل ! والصبيان
تركض حواليه وتغره
ما عاده أول مثل ما كان
فارس وله كره وفره
قليل من نال الاستحسان
كثير من يتبع الجره
كلن وله وجهه وعنوان
واللي حمل خيره وشره
اللي نشوفه بحر وأوزان
لو ان كلن معه صره
ودي بشعر وطرب وجنان
بس ان الأحوال مو مره !!
ابكسب الوقت بالنسيان
لكن الأحلام مغتره
والشاعر الشاعر الفنان
لله يا صاحبي .. دره
يا صاحبي يا فهد دوحان
ابنطرب شعر لو مره.