طبايع

يمكن يجي وقت بعد ما أكره أحب
لكن ليا حبيت صعب إني أكره
ماني بمجبور أتظاهر على سب
ابقى معاك اليوم وأروح بكره
هذي طبايع عالم ما بهم طب
في سلمهم كل على قد مكره
أحضر متى ما صار لك حاجة وغب
إلي انقضت.. كنك على الوصل مكره!
أهب يا وجه الزمن لغبر أهب
شليت تفكير المفكر وفكره
متغير حتى نسميك ليا هب
ما يشفي الخفاق واجواك عكره
كحلت موق الناس بالملح والشب
وضيعت معروف الأوادم وشكره
وغيبت كفو لا حضر يقضي النب
وبينت وجه بأول الوقت نكره
ونصّبت في الغابه بدال الأسد دب
والصقر حول واعتلال البوم وكره