نبض المشاعر

ياللي تقول الحب عندك ولاشي
بعض الغلا.. لامايجي مثل كله
وكانك تقول الحب شجره بلافي
روح اسأل اللي عايش تحت ظله
لكن هذا هو سبب حظك السي
مهما يطول بك المدى ماوصل له
نبض المشاعر بوحها يشعل الضي
والخافق المشتاق شوقه يتله
تعال يم الحي ياشمعة الحي
واشعل مصابيح النجوم المطله
طال انتظاري والدعاوي كما هي
والصبر قلبي ياهوي البال مله
كويت قلبي بالهجر والجفاء كي
وسيف الموادع كل ليله تسله
اما اخلص النيات ياخاطري لي
ولا ابعد وخلٍ شكى منك خله
أهم شي أعز نفسي وانا حي
وان مت موت العز ماهو مذله