قصاصات من تعب

تولم ترى الليلة بداية جفا وفراق=ولاعاد لك بالقلب هذا ولاذره
تراك انت اسوأ ذكرياتي على الإطلاق=وتراك انت اسوأ شخص مايحشم العشره
ياشيخ العرب / بلغ جنابك ترا المشتاق=معاد انت تفرق في حناياه بالمره
كتبتك / واذا صدرك من اللي كتبته ضاق=تعال استرح في جنب قلبي.. وذق حره
وراقب كتابة بوح جرحك علي الاوراق=تهدك مشاريهك.. وعينيك مغتره
مشاريه / عدت شرهة الحب والأشواق=عطايا النوايا البيض بيديك مسمره
عليك الوله فتق حنايا الرجا وإن راق=تداعا عليه طيوف الأشواق وتضره
قصاصات عمرك بعد ماتلملمت تنباق=ولاعاد لك من حالي العمر لو مره
وضاعت حياتك بين حلمٍ وعلم دقاق=توايق عليه إن حدك الوقت وتصره
خلاص استرح معاد لي خافقٍ يشتاق=ولاعاد لك منزال فالجوف.. وامره
تولم تولم مابقالك على الإطلاق=سوا ذكريات لصاحبٍ خان بالعشره