نبضات الغرام

من كثر نبضات الغرام المهولة
تشابه الورد المعطّر على الديم
وجيتك وكل حروف شعري خجوله
تبكي من الكسفة وتبكي من الضيم
أبعتذر والشوق يربك رسوله
والشعر مايهدم سجون المظاليم
آسف بكبر الكون عرضه وطوله
ولو كان ماتكفي علي الملازيم
لأسوق لك عذري بجاه وحموله
وأجيك من أقصاي وأهدي لك الغيم
حبٍ زرعته ، حان موعد حصوله
مع نبضةٍ تعزف بقلبي ترانيم
كم عشت فيها عمر كم كنت أوْلَه
كم قمتها ليل وخشوع وتساليم
واليوم صرتي يااجمل العمر دولة
دستورها حبك وعشقك تعاميم
ياغيمة تكتب لعمري فصوله
ياطهر ضحكاتك وزين التقاسيم
لك شعر لو ضنت حروفي بقوله
ولك قلب منقوشٍ على سدته ميم
* شاعر سعودي