نفحة سلام

تركض من الضيق أو محتاج نفحة سلام
يا ذا النفس والمواني ودعت فرحتك
تهز روحي وانا ماعاد اقوى الكلام
لو كان قلبي معلق في طرف سبحتك
والشاعر اللي تبلل من يديه الغمام
لو جيت تمزح عليه يصدق لمزحتك
لو خان عمره وفاء لك يا رفيع المقام
يحن لك في البكاء وبفرحه لشطحتك
اذكر عبيرك يفوح وثم يطير المنام
واجمل مقادير عمره مرت بصفحتك
تسيربه والدروب اللي غشاها ظلام
تشرب من النور حتى تثمل بصحتك
تعال من لي بغيرك وسط هذا الزحام
لا من طلع لي البكاء مشيته بطرحتك
يا ظل الايام تكفا لا تزيد الملام
لو اكثر الناس يدري ما سعى لذبحتك
يغني حلالك لو اكثر ما تجيبه حرام
وانا علي اكتفي من طيبي بنفحتك
مره لو تهب من جنتك في كل عام
تبرد سموم الضلوع ان مسها لفحتك
تركض من الضيق والا جيت داعي سلام
يا ذا النفس والمحاني ودعت فرحتك
سطام مشهور