تحت أمرك ..

فستان زفتك روجك سحر نظراتك
جمال بسمتك طعم التوت من جمرك
ايقاع مشيتك تاجك صوت ضحكاتك
بريق دبلتك ورد الحب في صدرك
تجننت كلها وتلبست ذاتك
وشلون يبقى عقل مع هيمنة سحرك
يا اللي صياح الخفوق يذوب فسكاتك
ترفقي بي وعودي ويش هو عذرك
ان كان موتي فرَح فأنا من امواتك
وان كان صوتي جرَح فأنا تحت امرك
اخذي حياتي خذيني سوط لسباتك
لان البدر ينخسف لامن غفا بدرك
كل الليالي تبي لحظة من اوقاتك
وكل الورق يرتجي قطرات من حبرك
وتخيلي الورد يذبل لاجل دمعاتك
معذور هالورد يوم انه عرف قدرك
في ضحكتك شمس والمغرب تنهاتك
وفي مشيتك موت متمركز على خصرك
الى متى والغياب احب خطواتك
الى متى والجروح يزيدها صبرك
يا آية الحسن نفسي بعد صداتك
متعذبة حيل ماتقوى على كسرك
اصابها الحزن بين الآه وابياتك
كوني دواها كرم مااقدر على جبرك
انا سريتك وله واصبحت بآهاتك
انا بغيتك عقل وسكرت من خمرك
وش عاد بيدي سوى توديع نظراتك
كل شيء بيدك وموعدنا على قبرك