صادقين بحبهم

الفهد ضمه ثرى أرض الوطن
كنها أم تضم أغلى جنين
تعرفه باليسر وأيام المحن
تفخر به كلها شوق وحنين
قال شبر منك ما يشتكي غبن
كلنا دروع نرد الطامعين
السياسة، والعدالة، والأمن
بالوطن أرسى لهن ساس متين
والكرم، والجود، والفعل الحسن
والكياسة، والفراسة به تبين
شامخ مثل الجبال اللي شمخن
لين لشعبه، لخصمه ما يلين
يا إله الكون يا مدبر الزمن
يا كريم، ويا رحيم، ويا معين
ارحمه واجعل مقره في عدن
جاك ضيف وأنت خير الأكرمين
والسحايب لا ردمن ثم ارزمن
وبلهن يسقي ثرى هاك الدفين
والعزاء بالليث والسيف السنن
فارس الفرسان والشهم الفطين
«خادم الحرمين» عن كل الفتن
يفتخر بالاسم فخر المسلمين
الملك «عبدالله» اللي له وزن
«أبو متعب» درعها الحصن الحصين
والأمير اللي خصاله يحمدن
نائبه هو حافظ العهد الأمين
القلام بحب «سلطان» كتبن
يعرفن رجل المواقف من سنين
من رجال للمواطن والوطن
عقلهم وقلوبهم كنز ثمين
اسرة فيها المواقف يعرفن
لاجل عزة دينهم متكاتفين
وشعبهم يدفع لهم روحه ثمن
صادقين بحبهم ومبايعين..
والوطن بقلوب عشاقه سكن
مثل ما يسكن سواد العين عين