عضيد أبو متعب ذخر مكرم الضيف

يا الله يا منش السحاب المراديف
يا ربنا المعبود يا عالي الشان
ياالواحد اللي كلنا لك مناكيف
يا خالق(ن) كونك بحكمه وميزان
نحمدك يا مجيب القلوب الملاهيف
اللي دعت بالخير ترد سلطان
درع الوطن رجل الكرم والمواقيف
وجه الرضى بحر الندى الشهم الإنسان
عاد ومعه راع الوفاء والمعاريف
أبو فهد سلمان لا هان سلمان
الله يفكه من شرور الصواديف
أمير نجد اللي له الكل ولهان
وبالقاف باعدي بروس المشاريف
وبنسج معاني كنها عقد مرجان
بصفف المعنى على السطر تصفيف
وترجم شعور(ن) يغذيه وجدان
يا مرحباً ترحيبة(ن) ما بها زيف
ترحيبة(ن) غرا كما غر الأمزان
في بطن نوّن ماه ينزل شخاتيف
تخضر على دربه صحاري ووديان
استبشروا يا شعبنا يا المشاغيف
استبشروا في عودة الغيث سلطان
أجمل مشاعركم تعانق مع الطيف
مستبشرة وصل لها طير حوران
والمملكة عذراً زهتها النفانيف
ترقص طرب وتجر عذبات الألحان
تنثر أهازيج الفرح والغطاريف
تو الفرح في جوها للعرب زان
أهلاً هلا إعداد ذري الهفاهيف
وإعداد ما يمطر من الوبل ودان
قلوبنا له كلبوها ملاهيف
كل(ن) على شوفه شفوق(ن) وولهان
عضيد أبو متعب ذخر مكرم الضيف
عبدالعزيز أللي له المجد عنوان
بني الوطن بالجهد والعدل والسيف
حتى سما باسمه على كل الأوطان
تركي بن مدعج