وبل المطر

الله من بيتاً له انظام وايقاع
في داخله ذوق الغرام الرفيعي
جددت يا محمد تقاسيم الأوجاع
في ليلة يجري قمرها سريعي
وأوقدت جمرة تحترق بين الاضلاع
لوصابها (وبل المطر) ما تميعي
في عالم الكلمة ومع فن الامتاع
دخلتي جواً حجب للجميعي
الا (صباح دليل) وعيونا أوساع
في وسطها وصف المعذب يضيعي
ان ناظرت باحداقها خافقي ضاع
وان سلهمت شفت (الجمال الطبيعي)
من شأنها غنيت واطربت الاسماع
وعديت مع درب الهوى كل ريعي.
وشرت نجمات القوافي على القاع
ولبست (فصل الصيف ثوب الربيعي)
اليوم انا والصبر في حرب وانزاع
عيايفك الوقت (حرباً شنيعي)
مدري من اللي يملك أسلوب الاقناع
من شان يستسلم خفوق الشجيعي
ارسلت شكوايه على بحر الابداع
اللي يشكل سحب (علم البديعي)
اما يجيني منه (غيمه) و(مرباع)
والا على وهج الغلا ما تستطيعي
(طار الحمام) ولا الا اليوم مرجاع
انا مهاجر وسط رحباً وسيعي