عيون الغمام

بي غيمة مرت على صحرا ظماك
ليتك تبل شفاك من هتانها
بي غابة من برد تتمنى دفاك
ليتك تشب النار في عيدانها
ياللي هواك العف من صافي بهاك
لا ما تعدا الروح في غدرانها
جيتك وانا الحيران بدرون الهلال
واهديتنى دنيا اهتدى حيرانها
واهديتك عيون الغمام اللي دعاك
حتى أزهرت روحك بعذب أشجانها
وأمست طيور الشوق في عالي سماك
مفتونة عزف الشجر الحانها
وأصبحت والضحكة يلونها حياك
واصبحت من روحي هوى قيفانها
لك روح مجروح سرى يبغي هناك
وين القوافي البيض في كثبانها
وين السهر مكتوب مابه من فكاك
تحت العيون الناديه اجفانها
وين النجوم علوم في هاك السماك
اللي اهتوته الروح في احزانها
وين الليالي نور منثور وهواك
شمس ينال البدر من شرطانها
لك روح ما جازت بعد لحد سواك
مثل السهول المعشبه ريضانها
تطرب لمفتون القصيد اللي رواك
من مزنه أروتك من هتانها