فرح

اعطتني الصافي من الروح للروح
وعز الله اني ما تجملت فيها
أهملتها والقلب بالحيل مجروح
مجروح من حرقة فؤادي عليها
ياما سعت لمواصلي وين ما اروح
ما تنقطع عني يالو ما ابيها
جتني فرح وانا الذي جيتها نوح
جت بالسرور وبالمعاناة أجيها
أهدتني الراحة وانا اهديت ساموح
وتشهد على شين الجزا وجنتيها
تكتم ولكن تنفجر لحظه البوح
وتبكي ويمحي الدمع مترف يديها
اشغلت داخلها على غير مصلوح
ولا شكت مني وانا مبتليها
وش ذنبها تحيا مع هم وجروح
دام اشترتني ليه انا ما اشتريها
الواجب ارخص لاجلها العين والروح
مادام انا اللي حط الاوجاع فيها