@ اخوي معوكس هل إيقاف طارق التايب لأربع مباريات يستدعي هذا الموقف ولماذا لا يحاسب العسكر المسؤولين عن حفظ الأمن داخل الملعب؟ أبو سعود - حائل - لو انك مع الجماهير كان ما سألت ها السؤال!! @ ما رايك يكون الحزم له ملعب خاص بالفرق الكبيرة والجماهير الغفيرة تتوافد من كل مكان ومن اجل فريقها. المفضل عطني رايك بكل صراحة؟ ابو بدر: الرس - والأندية الكبيرة يكون لها ملعب خاص بالفرق الصغيرة!! @ (كيف) أمسيت يامعوكس.. أولاً: أقترح على إدارة الهلال تعير التايب للاتحاد يومين عشان ترفع عنه العقوبة، خامساً: وش رايك بماراثون دوري الأولى بعد 22جولة 13فريق مرشح للصعود والهبوط في وقت واحد؟ متشكر أوي واجد طوني المنتثر - بريدة - الدعيسة - ولو جا (كيتا) للهلال وش يصير!! @ معوكس وشلونك شخبارك بصراحة ماهو اسمك الحقيقي مع تحياتي زلفي من الزلفي - قل انت أول ثمن أنا أقول؟! @ أخي أبو العواكيس ماتلاحظ أن لجنة الاعتباط قصدي الانضباط متحاملة على الهلال وأكبر دليل على ذالك بعدمباراة الوحدة أوقف طارق التايب أربع مبارايات وكيتا أوقف مباراتين شايف الظلم. أخوك (ذيب نجد) الرياض - وجهة نظر.. لكن اللجنة جديدة وبنشوف.. @ إلى القلم الساخرمعوكس ألا تتفق معي من أن المعلقين لدينا (ما عندك أحد)باستثناء المعلق الكبير ناصر الأحمد. ن.م.ع، الرياض - ليه.. ناصر يقرب لك؟! @ إلى الغالي المحترم أبو العواكيس. السلام عليكم بعد التحية والاحترام: ما رأيك في قوة الزعيم أمام الوحدة؟ رغم غياب الكاسر ياسر والعملاق تفاريس ورجل الوسط خالد عزيز. مع تحيات العامري (عاشق الزعيم)العرضي - فعلاً الهلال السنة هذي غير.. @ مستر معوكس وش رأيك أفتح مطعم واتعاقد مع الاندية محترفة أقدم وجبات القوة والطبيعة المرقوق والمطازيز والقرصان والمراصيع والجريش لبناء أجسام اللاعبين.. أملاك ابوزيد الهلالي الشماسية. - لو دروا عنك المدربين اشتكوك.. @ الصديق معوكس وش رايك باللاعب طارق التايب والهدفين حقه بعد مباراة الوحدة يستاهل البرنس ابن الزعيم ابو منكاس ولد الزعيم الرياض - أهدافه جميلة لكن تصرفاته غير جميلة.. @ هلا معكوس ، وش رايك بنادي روما الأيطالي وخاصة نجميه توتي ودي روسي أخوك الموسيقار توتي شبكة الزعيم - يعجبوني كثير ويذكروني بمواهب الباطن. @ إلى السيد عواكيس ياخي كل ما شوفك أحس أن فيك شبه من أبن فطيس وش رايك في واحد كان يشجع الأهلي يوم انهزم قال أنا نصراوي وش تنصحه فيه وشكرا أخوك أبو عبدالله - بالشهم - هذا شكله مو مقتنع بنتائج (زغبي)!! @ المملوح معكوس.دامت العواكيس بملحها. السلام عليكم. إهداء لك: من جمعة لجمعة تربع رياضك.. وجنا على روضك ترانا مشافيح.. بروعة عواكسيك سالت فياضك.. هو فيه مثلك؟به ملح وتماليح. محبك: صالح الخالدي. - وش دراك اني مملوح يا صالح!! @ الأخ المحترم أبوالعواكيس: أنامعجب جدا جدا جدا بشخصيتك وأرجو الأجابة على أستفساراتي أولا: أتمنى تذوق صينيتك البطاطس بالمرقوق! ثانيا: هل فعلا صورتك نفس شكلك الحقيقي؟ ثالثا: هل فريقك مثل الزعيم لأنك زعيم الصفحة صديقك الدائم معاذ حمد الحميد - مرات - لكن تابع يوم البطاطس العالمي. @ ابوالعواكيس أنا أرى أن ديربي العاصمة أصبح بين الزعيم الهلال والليث الشباب فما رأيك أنت.. شبابية في المطبخ - أشيقر - النصر موجود رضيتو أو ما رضيتو. @ يا معوكس أنصحك تسوي عملية تجميل وبعدين تعال بتحضر اعتزال ماجد يقولون انهم بيكرمونك لا ويمكن بعد تشارك في المباراة مشاري ابوعبود - الصحنة. - ماجد يستاهل نحضر ونودعه بمختلف ميولنا. @ الاخ ابو العواكيس أنا كنت من المتابعين لك من عام 1417وأحس انك متغير عن معوكس اللي قبل ردودك صارت باردة؟ سلطان بدرالسقياني الزلفي. - لأن بعض الأسئلة تجي حارة مرة. @ السلام عليكم كيف حالك يامعوكس ماذا تتمنى في حفل اعتزال ماجد (ريال مدريد، مانشستر، برشلونة) وأبي توقعاتك من اللي بياخذ كأس الملك أقول معوكس تعرف الحريق ما ودك تجي للحريق؟ مع تحيات: إبراهيم راشد محمد إبراهيم العيد، الحريق النصراوي. - الله يجيب المطر عشان نزوركم أما كأس الملك فأتوقعه شبابي. @ الى معشوق الملايين معوكس ليه بخلت علينا بظعك ربع صفحة شكلك تبي تنحاش من الصفحة باي وسيلة ترانا ما نسمحلك ابد.. صديقك/عبدالرحمن بن سليمان العقيل ابوهدى ص ب 11253القصيم بريدة. - انحاش مثل لاعبين الأهلي الله لا يقوله!!
