الوقت قطاع الأصحاب

يا صاحبي والوقت قطاع الاصحاب
ويغير طبوع الغِرٍب والاقارب
هو صح بعض الناس ماهوب ينعاب
والناس يبن الناس صنف ومشارب
يا حظي المكلوم من كثر ما خاب
واجداه قدم الوقت "سدد وقارب"
الطيب ضرعن والمخاليق حِلاب
يكفيك يا طيبي تفيد العقارب
خذنا من الدنيا تجاريب شياب
والطبع مَتْغيرْهِ كثر التجارب
ليت الردى في وجه الاصحاب ما غاب
لجل انعرف يا خوك دسم الشوارب
وش حيلتي يا خوك والشين قلاب
يا مكثر اوجيهه و كثر المآرب
عجل علي بشور فالوقت حطاب
والنار تضرم بالضلوع وتحارب
واختامها سلم على خير الاصحاب
شرواك يالضيغم نقي المشارب
حمزة الهاشمي