ورقة قديمة

يابوي يازبن العياد المشافيق
لا رفعوا لقطيهن الرماحي
يازبن هجن قديت بالمساويق
تلقا لها قدم المناره مراحي
راعي دلال كنهن الغرانيق
فيها العويدي واشقر البن فاحي
والحيل عنده علقت بالمشانيق
ما يذبح الا من سمان اللقاحي
يا صاحبي ما فتق البيت ويويق
ولا عذبت طرد الهوى بالطماحي
يا صاحبي والله على فكة الريق
ان العرب غيره حرام بياحي
والله يالولاي افهق الصبر تفهيق
ونرجي عسى تاتي أمور سماحي
الا انهبه من فوق عوج السماحيق
وازبن بها رازق خفوق الجناحي
يا صاحبي بيني وبينه مواثيق
ومن بار ما يرعى بعشب البياحي