لذة أحزاني

وتطيح الأحلام من عيني
لا طاح صمتي من لساني
مع كل نبرة حزن فيني
أضحك وتضحك لي أزماني
حرفي وحبري وتدويني
أشياء.. لا متّ تحياني
ما همني من يعاديني
و كان من حسبة إخواني
ليه أتحدى متحديني؟
وأنا لا زلت أتحداني
أنا أكثر إنسان يعنيني
وأنا عشاني علا شأني
لا تهت ما بيني وبيني
ما بيني وبيني ألقاني
الحزن حاجة تسليني
أحتاج له كثر مأبكاني
وين إبتساماتي وويني؟
وأعز خلاني خلاّني
حبيب عمري بعد عيني
وين أنت يا لذة أحزاني
ما عاد به شي يغريني
غيرك ولا غيرك أشقاني
على كثر ما تمنيني
ما حس بإنك تمناني
ضاعت معاك أجمل سنيني
لا يا بعد عمري الفاني
أنا أعشقك عشّق يخليني
متسامح ف عين عدواني
أهديك جرحي وتدّميني
وأمدّ لك جرحي الثاني
كنت أحسب إنك تداويني
وأثرك تلذذ بحرماني
لا غبت عنك.. تناديني
وإذا وصلتك.. تعدّاني
إلى متى يا معنيني
أنا معاد أقدر أعاني
ما أجبرك تنجبر فيني
تبلاني فيك و تبلاّني
إن كنت ناسيني ناسيني
إنساني بشكل إنساني