زرعت الود

دموعي حيل تفضحني وقلبي صادق وافي
زرعت الود في دربك ابي مره تحس فيني
لقيت الكذب بعيونك عرفتك يوم تجفاني
عطيتك كثر ما حبك طلبتك حب ترويني
رويت القلب بوهامك وبين ظلمك الخافي
طعنت القلب بغيابك وقلت الله يشافيني
وش اللي صاحبي حدك تخون العهد يا كافي
حسبت انك مع الايام بجروحي تداويني
وانا من كثر ما تجرح ثقل حملي على اكتافي
اذا قصدك تبي تبعد ترى القى من يواسيني
كثير اللي تمنوني اكيد القا حظن دافي
اكيد القى بشر بايع غلا العالم وشاريني
يشاركني باحزاني ويوقد ليلي الطافي
واذا قلبك تمنى شخص غير وصار ناسيني
تاكد ما بتلقى اللي يحبك صدق ياجافي
انا بالنسبه لي عادي تجي ولا تخليني
انا اصل تعودت الجروح وربي الشافي
ابي امحي غلاك اللي كتبته في عناويني
وابرحل في رجى ليل عتيم اسامر اطيافي
واغادر عن بحر حبك واعانق فرحه سنيني
على مركب من النسيان والايام مجدافي
وليد الناصر